ମୁମ୍ବାଇ : ଘରୋଇ ସେୟାର ବଜାରରେ ବୁଧବାର ଜବରଦସ୍ତ ଗତି ଦେଖିବାକୁ ମିଳିଛି । ଦମଦାର ଗ୍ଲୋବାଲ ସଙ୍କେତ ସହ ଜୋରଦାର ତୀବ୍ରତା ସହ ବନ୍ଦ ହୋଇଛି ବଜାର । ନିଫ୍ଟି ୨୭୦ ପଏଣ୍ଟ ବୃଦ୍ଧି ପାଇ ୧୪,୪୮୪ରେ ବନ୍ଦ ହୋଇଛି । ସେନସେକ୍ସ ୯୦୧ ପଏଣ୍ଟ ବୃଦ୍ଧି ପାଇ ୮୦,୩୭୮ ରେ ବନ୍ଦ ହୋଇଛି ଏବଂ ନିଫ୍ଟ ବ୍ୟାଙ୍କ ୧୧୦ ଅଙ୍କ ବଢି ୫୨,୩୧୭ରେ ବନ୍ଦ ହୋଇଛି । ଆମେରିକାରେ ରାଷ୍ଟ୍ରପତି ନିର୍ବାଚନ ଫଳାଫଳରେ ଟ୍ରମ୍ପଙ୍କ ବିଜୟ ପରେ ଆଇଟି କ୍ଷେତ୍ରର ସେୟାରରେ ଜବରଦସ୍ତ ବୃଦ୍ଧି ଦେଖିବାକୁ ମିଳିଛି । ଆଇଟି ଇଣ୍ଡେକ୍ସ ପ୍ରାୟ ୪ ପ୍ରତିଶତ ବୃଦ୍ଧି ସହିତ ବନ୍ଦ ହୋଇଛି । ଏହା ବ୍ୟତୀତ ଅଏଲ ଆଣ୍ଡ୍ ଗ୍ୟାସ୍, ଅଟୋ ଓ ମେଟାଲ ଇଣ୍ଡେକ୍ସର ସେୟାରରେ ବୃଦ୍ଧି ଦେଖିବାକୁ ମିଳିଛି ।
ସେୟାର ବଜାର ଖୋଲିବା ପରେ ଗତକାଲି କ୍ଲୋଜିଂ ତୁଳନାରେ ସେନସେକ୍ସ ୨୯୫ ପଏଣ୍ଟ ଉପରେ ୭୯,୭୭୧ ରେ ଖୋଲିଥିଲା । ନିଫ୍ଟି ୯୫ ପଏଣ୍ଟ ୨୪,୩୦୮ରେ ଏବଂ ବ୍ୟାଙ୍କ ନିଫ୍ଟି ୨୩୩ ପଏଣ୍ଟ ବୃଦ୍ଧି ସହିତ ୫୨,୪୪୦ରେ ଖୋଲିଥିଲା । ଆମେରିକା ରାଷ୍ଟ୍ରପତି ନିର୍ବାଚନ ମଧ୍ୟରେ ଟିସିଏସ୍, ଏଚସିଏଲ୍ ଟେକ୍, ଡିକ୍ସନ ଟେକ୍, ଓ କ୍ୟାନେସ୍ ଟେକରେ ସବୁଠାରୁ ଅଧିକ ବୃଦ୍ଧି ଦେଖିବାକୁ ମିଳିଛି । ସେହିଭଳି ନିଫ୍ଟିରେ ବେଲ୍, ଆଦାନୀ ଏଣ୍ଟରପ୍ରାଇସ୍, ଟିସିଏସ୍, ଓ୍ବିପ୍ରୋ ଓ ଏଚସିଏଲ୍ ଟେକରେ ସବୁଠାରୁ ଅଧିକ ବୃଦ୍ଧି ଦେଖିବାକୁ ମିଳିଛି ।
