ମୁମ୍ବାଇ: ୩୦ ବର୍ଷରୁ ଅଧିକ ସମୟ ହେବ ବଲିଉଡରେ ରାଜ କରୁଛନ୍ତି କିଙ୍ଗ ଖାନ ଶାହାରୁଖ। କିଙ୍ଗ ଖାନଙ୍କ ସହ ପ୍ରତ୍ୟେକ ହିରୋଇନ ରୋମାଣ୍ଡିକ୍ ପୋଜ୍ ଦେବା ହେଉ କି କାମ କରିବାକୁ ସ୍ୱପ୍ନ ଦେଖିଥାନ୍ତି। ବଲିଉଡର ଅନେକ ହିରୋ ଏବଂ ହିରୋଇନ ହଲିଉଡରେ କାମ କରିସାରିଥିବା ବେଳେ ଏପର୍ଯ୍ୟନ୍ତ କିଙ୍ଗ ଖାନ ହଲିଉଡରେ କିନ୍ତୁ କାମ କରିନାହାଁନ୍ତି। ହେଲେ ବି ହଲିଉଡରେ ତାଙ୍କ ପ୍ରଶଂସକ କିଛି କମ ନାହାଁନ୍ତି। କିଙ୍ଗ ଖାନ କାହିଁକି ହଲିଉଡରେ କାମ କରୁନାହାଁନ୍ତି ବୋଲି ପ୍ରଶ୍ନ ପଚାରିବାରୁ ନିଜେ ଏହାର ଉତ୍ତର ରଖିଛନ୍ତି।
ପୂର୍ବରୁ ଶାହାରୁଖ ଖାନ କହିଥିଲେ ଯେ ୨୦୦୮ରେ ହଲିଉଡ ଚଳଚ୍ଚିତ୍ର ‘SLUMDOG MILLIONAIRE ’ ପାଇଁ ଅଫର ମିଳିଥିଲା। କିନ୍ତୁ କୌଣସି କାରଣରୁ ସେ ଏହି ଫିଲ୍ମ କରିବାକୁ ମନା କରିଦେଇଥିଲେ। ଫିଲ୍ମରେ ଏକ ଟିଭି ଗେମ୍ ସୋ ପାଇଁ ଶାହାରୁଖ ଖାନଙ୍କୁ ହୋଷ୍ଟର ଭୂମିକା ପ୍ରଦାନ କରାଯାଇଥିଲା। ହେଲେ ଶାହାରୁଖ ଏହାକୁ ମନା କରିବାରୁ ଅନିଲ କପୁର ଏହି ଭୂମିକାରେ ଅଭିନୟ କରିଥିଲେ। ନିକଟରେ ଗଣମାଧ୍ୟମରେ ଏକ ସାକ୍ଷାତକାର ଦେଇ କିଙ୍ଗଖାନ କହିଛନ୍ତି ଯେ ଯଦି ସେମାନେ ତାଙ୍କ ପାଖକୁ ୪୬ବର୍ଷ ବୟସ୍କା ବ୍ରାଉନ ଭାରତୀୟ ବ୍ୟକ୍ତିଙ୍କ କାହାଣୀ ନେଇ ଆସିଥାନ୍ତେ ତେବେ ସେ ହଲିଉଡରେ କାମ କରିଥାନ୍ତେ। କାରଣ ସେହି ସମୟରେ ଅଭିନେତାଙ୍କୁ ୪୬ ବର୍ଷ ବୟସ ହୋଇଥିଲା। ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ‘ମୁଁ ଜନ୍ ଟ୍ରାଭୋଲ୍ଟଙ୍କ ଠାରୁ ଭଲ ନୃତ୍ୟ କରିପାରିବି ନାହିଁ, ମୁଁ ଟ୍ରମ୍ କ୍ରୁଜ୍ ଠାର ସୁନ୍ଦର ଦେଖାଯାଏ ନାହିଁ। ସେମାନଙ୍କ ଭଳି ମୁଁ କରିପାରିବି ନାହିଁ, ସେଥିପାଇଁ ମୁଁ କିଛି ଆଶା କରେ ନାହିଁ ବୋଲି ଶାହାରୁଖ କହିଛନ୍ତି।
