ନୂଆଦିଲ୍ଲୀ : ସେତୁ ସମୁଦ୍ରମ ପ୍ରକଳ୍ପ ଦ୍ୱାରା ପୌରାଣିକ ରାମ ସେତୁର କୌଣସି କ୍ଷତି ହେବ ନାହିଁ ବୋଲି କେନ୍ଦ୍ର ସରକାର ସ୍ପଷ୍ଟ କରିଛନ୍ତି । କେନ୍ଦ୍ର ଜାହାଜ ଚଳାଚଳ ମନ୍ତ୍ରଣାଳୟ ପକ୍ଷରୁ ସୁପ୍ରିମକୋର୍ଟ ପ୍ରଧାନ ବିଚାରପତି ଦୀପକ ମିଶ୍ରଙ୍କୁ ନେଇ ଗଠିତ ଖଣ୍ଡପୀଠ ନିକଟରେ ଶୁକ୍ରବାର ଦାଖଲ ସତ୍ୟପାଠରେ ଏହା ଉଲ୍ଲେଖ କରାଯାଇଛି । ବିଜେପି ନେତା ସୁବ୍ରମଣ୍ୟମ ସ୍ୱାମୀ ସେତୁ ସମୁଦ୍ରମ ପ୍ରକଳ୍ପ ବିରୋଧରେ ଅପିଲ କରିଥିଲେ । ଏହି ପ୍ରକଳ୍ପ ଦ୍ୱାରା ଯେପରି ପୌରାଣିକ ରାମ ସେତୁର କ୍ଷତି ନଘେଟେ ତାହା ସୁନିଶ୍ଚିତ କରିବା ସେ ସୁପ୍ରିମକୋର୍ଟଙ୍କ ହସ୍ତକ୍ଷେପ ଲୋଡିଥିଲେ । ଏନେଇ କେନ୍ଦ୍ରକୁ ନିର୍ଦେଶ ଦେବାକୁ ସେ ସୁପ୍ରିମକୋର୍ଟଙ୍କୁ କହିଥିଲେ । କେନ୍ଦ୍ର ଜାହାଜ ଚଳାଚଳ ମନ୍ତ୍ରଣାଳୟ ପକ୍ଷରୁ ଅତିରିକ୍ତ ସୋଲିସିଟର ଜେନରାଲ ପିଙ୍କି ଆନନ୍ଦ କହିଛନ୍ତି ଯେ ସେତୁ ସମୁଦ୍ରମ ଜାହାଜ ମାର୍ଗ ପ୍ରକଳ୍ପ ପାଇଁ କେନ୍ଦ୍ର ସରକାର ବିକଳ୍ପ ମାର୍ଗ ରେଖା ଖୋଜୁଛନ୍ତି । ସେତୁ ସମୁଦ୍ରମ ପ୍ରକଳ୍ପ ଦ୍ୱାରା ରାମ ସେତୁର କୌଣସି କ୍ଷତି ହେବ ନାହିଁ । ତେଣୁ ଏହି ମାମଲାକୁ ଏଠାରେ ଅନ୍ତ କରିବାକୁ ନିବେଦନ କରାଯାଇଛି ।
Popular Categories
Previous article
Next article