ଭୁବନେଶ୍ୱର: କର୍ମ କ୍ଷେତ୍ରରେ ମହିଳାଙ୍କ କ୍ଷେତ୍ରରେ ହେଉଥିବା ଯୌନ ଉତ୍ପୀଡନ ଅଭିଯୋଗର ଶୁଣାଣି ପାଇଁ ପର୍ଯ୍ୟଟନ ଓ ସଂସ୍କୃତି ବିଭାଗ ପକ୍ଷରୁ ଅନ୍ତରୀଣ ଅଭିଯୋଗ କମିଟି ଗଠନ କରାଯାଇଛି । ନିବାରଣ, ପ୍ରତିଷେଧ ଓ ପ୍ରତିତୋଷଣ ଅଧିନିୟମ ୨୦୧୩ ଅନୁସାରେ ଅନ୍ତରୀଣ ଅଭିଯୋଗ କମିଟି ଗଠିତ କରାଯାଇଛି ।
ବରିଷ୍ଠ ପ୍ରଶାସନିକ ଅଧିକାରୀ ତଥା ଉପ ସଚିବ ମନସ୍ୱନୀ ସାହୁ ଏହାର ପ୍ରିସାଇଡିଂ ଅଧିକାରୀ ଅଛନ୍ତି । ଅନୁ ସଚିବ ବିପିନି ବିହାରୀ ପାତ୍ର, ଓଡିଶା ଭାଷା ପ୍ରତିଷ୍ଠାନର ନିର୍ଦେଶିକା ତାମସରାଣୀ ଦାସମହାପାତ୍ର , ଓଡିଶା ରାଜ୍ୟ ସଂଗ୍ରହାଳୟର ସଞ୍ଚାଳିକା ଜୟନ୍ତୀ ରଥ, ସଂସ୍କୃତି ବିଭାଗର ବରିଷ୍ଠ ସହାୟକ କୃଷ୍ଣ ମୋହନ ଦଳାଇ ଓ ଷ୍ଟେଟ୍ ପୋଗ୍ରେସିଭ୍ ଓ୍ୱିମେନସ୍ ଫୋରମ୍ର ମୁଖ୍ୟ ମମତା ସାମନ୍ତରାୟ ଏହି କମିଟିର ସଦସ୍ୟ ଅଛନ୍ତି ।