ଘଟଗାଁ : କଟକର ବୋଷ ଇଞ୍ଜିନିୟରିଂ କଲେଜରୁ ତିନି ଜଣ ସାଙ୍ଗ ଘଟଗାଁ ବୁଲି ଆସିଥିଲେ। ସେମାନେ ହେଲେ ବିଭୁ ପ୍ରସାଦ ବେହେରା, ବିଭୁ ପାଦାନନ୍ଦ ପ୍ରଧାନ ଏବଂ ବୈଲୋଚନ ସାମଲ । ଘଟଗାଁରୁ ଫେରିବା ବାଟରେ ଆନନ୍ଦପୁର ବ୍ୟାରେଜ୍ ଦେଖିବା ପାଇଁ ଆସିଥିଲେ। ବ୍ୟାରେଜ୍ ତଳେ ଯାଇଥିବା ବୈତରଣୀ ନଦୀ ପାଖକୁ ଯାଇ ସେଲ୍ଫି ନେବା ସମୟରେ ବୈଲୋଚନ ନଦୀ ମଧ୍ୟକୁ ଖସି ଯାଇଥିଲେ। ଆନନ୍ଦପୁର ଦମକଳ ବାହିନି ଖବର ପାଇ ଉଦ୍ଧାର କାର୍ଯ୍ୟ ଚଳାଇଛନ୍ତି। ଏଯାବତ ଯୁବକଙ୍କ କୌଣସି ପତା ମିଳିନି। ଯୁବକମାନେ ଯାଜପୁର ବିପ୍ସଝାରପୁର ଅଞ୍ଚଳର ବୋଲି ଜଣାପଡ଼ିଛି।
