ଓୱେସୀଙ୍କ ରାଲିରେ ‘ପାକିସ୍ତାନ ଜିନ୍ଦାବାଦ’ ସ୍ଲୋଗାନ୍ ଦେଇଥିବା ଯୁବତୀଙ୍କ ବିରୋଧରେ ଦେଶଦ୍ରୋହ ମାମଲା
ବେଙ୍ଗାଲୁରୁ: ଅଲ ଇଣ୍ଡିଆ ମଜଲିସ-ଏ-ଇତେହାଦୁଲ ମୁସଲିମ (ଏଆଇଏମଆଇଏମ) ଦଳର ଅଧ୍ୟକ୍ଷ ଅସାଉଦ୍ଦିନ ଓୱେସୀ ଗୁରୁବାର ବେଙ୍ଗୋଲୁରୁରେ କରୁଥିବା ସିଏଏ-ବିରୋଧୀ ରାଲିରେ ‘ପାକିସ୍ତାନ ଜିନ୍ଦାବାଦ’ ସ୍ଲୋଗାନ୍ ଦେଇଥିବା ଯୁବତୀଙ୍କ ବିରୋଧରେ ଦେଶଦ୍ରୋହ ମାମଲା ରୁଜୁ ହେବା ସହ ୧୪ ଦିନ ପାଇଁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି।
Karnataka: Amulya (who raised 'Pakistan zindabad' slogan at an anti-CAA rally in Bengaluru, yesterday) & was charged with sedition, sent to 14-day judicial custody pic.twitter.com/vWS55tDZEQ
— ANI (@ANI) February 21, 2020
ଅମୂଲ୍ୟା ଲେଓନା ନାମକ ଯୁବତୀ ଗୁରୁବାର ବେଙ୍ଗୋଲୁରୁରେ ଏଆଇଏମଆଇଏମର ମୁଖ୍ୟ ଅସୁଦୁଦ୍ଦୀନ ଓୱେସୀ ଗୁରୁବାର ବେଙ୍ଗୋଲୁରୁରେ କରୁଥିବା ସିଏଏ-ବିରୋଧୀ ରାଲିରେ ‘ପାକିସ୍ତାନ ଜିନ୍ଦାବାଦ’ ସ୍ଲୋଗାନ୍ ଦେଇଥିଲେ। ଯୁବତୀଙ୍କ ପାକିସ୍ତାନ ଜିନ୍ଦାବାଦ ଶ୍ଲୋଗାନ ଦେଇଥିବା ଭିଡିଓ ଦ୍ରୁତ ଗତିରେ ସୋସିଆଲ ମିଡିଆରେ ଭାଇରାଲ ହୋଇଥିଲା । ଭିଡିଓରେ ଦେଖାଯାଉଛି କି ଅସୁଦିଦ୍ଦୀନ ମଞ୍ଚରୁ ଫେରିବା ସମୟରେ ଏହି ଘଟଣା ଘଟିଥିଲା। ସେହି ସମୟରେ ମାଇକ ହାତରେ ଧରି ଅମୂଲ୍ୟା ଲେଓନା ନାମକ ଯୁବତୀ ପାକିସ୍ତାନ ଜିନ୍ଦାବାଦ ଶ୍ଲୋଗାନ ଦେଇଥିଲେ । ଏହାକୁ ଶୁଣି ଓୱେସି ଅଟକିଯାଇଥିଲେ। ଏବଂ ସେ ଯୁବତୀଙ୍କ ହାତରୁ ମାଇକ ଛଡାଇବା ପାଇଁ ପ୍ରୟାସ କରିଥିଲେ। କିଛି ସମୟ ପରେ ଓୱେସିଙ୍କ ସମର୍ଥକମାନେ ସଂପୃକ୍ତ ଝିଅକୁ ମଞ୍ଚରୁ ନେଇ ଯାଇଥିଲେ।
ସୂଚନାଅନୁସାରେ ଅମୂଲ୍ୟାଙ୍କ ଘର କର୍ଣ୍ଣାଟକର ଚିକ୍ମାଗାଲୁର ଅଞ୍ଚଳରେ। ଅମୂଲ୍ୟାଙ୍କର ଏଭଳି କାର୍ୟ୍ୟକୁ ତାଙ୍କ ବାପା ନାପସନ୍ଦ କରି କହିଛନ୍ତି ଯେ ‘ସିଏଏ’ ବିରୋଧୀ ରାଲିରେ ତାଙ୍କ ଝିଅ ଯାହା କହିଛି ତାହା ସମ୍ପୂର୍ଣ୍ଣ ଭୁଲ୍। ସେ ତାଙ୍କ ଝିଅଙ୍କୁ ମୁସଲମାନଙ୍କ ସହ ନମିଶିବା ପାଇଁ କହିଥିଲେ ମଧ୍ୟ ସେ ଶୁଣିନଥିଲେ ।
ଏହି ଘଟଣା ପରେ ପ୍ରତିକ୍ରିୟା ପ୍ରକାଶ କରି ଓୱେସୀ କହିଛନ୍ତି ଯେ ମୁଁ ଏଭଳି କାର୍ୟ୍ୟକୁ ନିନ୍ଦା କରୁଛି। ମୁଁ ମଧ୍ୟ ଜାଣିନି, ଏ ଯୁବତୀ କିଏ। ସେତେବେଳେ ତୁରନ୍ତ ତାଙ୍କ ପାଖକୁ ଧାଇଁ ଯାଇ କହିଥିଲି ଯେ ଏ ଭଳି ବାଜେ କଥା ମୁଁ ସହ୍ୟ କରିପାରିବି ନାହିଁ।
Comments are closed.