ନୂଆଦିଲ୍ଲୀ- କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରଣାଳୟ ଅଧୀନ ଜାତୀୟ ଆଦିବାସୀ ଛାତ୍ର ସୋସାଇଟୀ ଆନ୍ଧ୍ରପ୍ରଦେଶ, ଗୁଜରାଟ, ମଧ୍ୟପ୍ରଦେଶ, ଓଡ଼ିଶା, ରାଜସ୍ଥାନ ଏବଂ ତେଲଙ୍ଗାନାରେ ଥିବା ୫୪ଟି ଏକଲବ୍ୟ ମଡେଲ ଆବାସିକ ବିଦ୍ୟାଳୟରେ ‘ଆମାଜନ ଫ୍ୟୁଚର ଇଞ୍ଜିନିୟର ପ୍ରୋଗ୍ରାମ’ର ଦ୍ୱିତୀୟ ପର୍ଯ୍ୟାୟ ଆରମ୍ଭ କରିଛି। ଦ୍ୱିତୀୟ ପର୍ଯ୍ୟାୟରେ ଆଡଭାନ୍ସ ବ୍ଲକ ପ୍ରୋଗ୍ରାମିଂ ଓ ଆର୍ଟିଫିସିଆଲ ଇଣ୍ଟେଲିଜେନ୍ସ ପାଠ୍ୟକ୍ରମ ଅନ୍ତର୍ଭୁକ୍ତ ହେବ। ଆଦିବାସୀ ବ୍ୟାପାର ସଚିବ ଅନିଲ କୁମାର ଝା ନୂଆଦିଲ୍ଲୀଠାରେ ତିନିଦିନିଆ ଶିକ୍ଷକ ପ୍ରଶିକ୍ଷଣ କର୍ମଶାଳା ତଥା ଇଏମଆରଏସ କୋଡର୍ସ ଏକ୍ସପୋକୁ ଉଦଘାଟନ କରିଛନ୍ତି।
ପୂର୍ବ ବର୍ଷର କାର୍ଯ୍ୟକାରିତାର ଉତ୍ସାହଜନକ ଫଳାଫଳ ଆଧାରରେ ସଂଶୋଧିତ ମଡ୍ୟୁଲରେ ଏକ ନିର୍ଦ୍ଦିଷ୍ଟ କୋଡିଂ ଏବଂ ଆର୍ଟିଫିସିଆଲ ଇଣ୍ଟେଲିଜେନ୍ସ ସମ୍ବନ୍ଧୀୟ ପାଠ୍ୟକ୍ରମ ପ୍ରଚଳନ କରାଯିବ ଯାହା ସିବିଏସଇ ଦକ୍ଷତା ଶିକ୍ଷା ସହିତ ସମାନ। ଏହା କୋଡିଂ, ଲଜିକାଲ ସିକ୍ୱେନ୍ସିଂ, ଲର୍ଣ୍ଣିଂ ଲୁପ୍ ଏବଂ ବ୍ଲକ ପ୍ରୋଗ୍ରାମିଂରେ ପ୍ରଚଳିତ ପାଠ୍ୟକ୍ରମ ଅତିରିକ୍ତ ପ୍ରଦାନ କରାଯିବ। କମ୍ପ୍ୟୁଟର ବିଜ୍ଞାନର ସାମ୍ପ୍ରତିକ ଅଭିଜ୍ଞତା ଓ ଆଦିବାସୀ ଛାତ୍ରଛାତ୍ରୀଙ୍କ କୋଡିଂକୁ ଦୃଷ୍ଟିରେ ରଖି ୨୦ ଘଣ୍ଟିଆ ମଡ୍ୟୁଲ୍ ନିର୍ମାଣ କରାଯାଇଛି। ଷଷ୍ଠ ଶ୍ରେଣୀ ଛାତ୍ରଛାତ୍ରୀଙ୍କୁ କମ୍ପ୍ୟୁଟର ବିଜ୍ଞାନର ମୌଳିକ ଶିକ୍ଷା ଦିଆଯିବ। ସପ୍ତମ ଶ୍ରେଣୀ ଛାତ୍ରଛାତ୍ରୀଙ୍କୁ ଭିଜୁଆଲ ପ୍ରୋଗ୍ରାମିଂର ଉନ୍ନତ ଧାରଣା ବିଷୟରେ ଅବଗତ କରାଯିବ। ଅଷ୍ଟମ ଶ୍ରେଣୀ ପାଇଁ ଏଆଇର ଏକ ଇଣ୍ଟରଆକ୍ଟିଭ୍ ଅଧିବେଶନ ହେବ; ଏବଂ ନବମ ଶ୍ରେଣୀ ଏଆଇର ମୌଳିକ ତାଲିମ ଶିଖିବ । ଦଶମ ଶ୍ରେଣୀ ପାଇଁ ସିବିଏସଇ ଦକ୍ଷତା ପାଠ୍ୟକ୍ରମ ଅନୁଯାୟୀ ଏଆଇ ମଡ୍ୟୁଲ୍ ୨୦୨୪-୨୫ ଶିକ୍ଷାବର୍ଷରେ ଆରମ୍ଭ ହେବ।
