ସୁଆଣ୍ଡୋ: ପୁରୀଜିଲା ସତ୍ୟବାଦୀବ୍ଲକ ବଳରାମପୁର ଗଡ ନୂଆବୁଢାକେରା ପ୍ରାଥମିକ ବିଦ୍ୟାଳୟ ଆଗରେ ବର୍ଷାଜଳ ଜମି ରହିବାରୁ ତିନିଦିନ ଧରି ଛାତ୍ରଛାତ୍ରୀ ମାନେ ସ୍କୁଲ ଯାଇପାରୁ ନାହାନ୍ତି । ଲଘୁଚାପଜନିତ ଲଗାଣ ବର୍ଷା ଯୋଗୁଁ ସ୍କୁଲ ଆଗରେ ଆଣ୍ଠୁଏ ପାଣି ଜମି ରହିଛି । ଚତୁଃପାର୍ଶ୍ୱରେ ଘର ତିଆରି ହେବା କାରଣରୁ ଜଳନିଷ୍କାସନ ବାଟ ବନ୍ଦ ହୋଇ ଯାଇଛି । ୧୯୭୦ ମସିହାରେ ଏହି ବିଦ୍ୟାଳୟଟି ସ୍ଥାପନ କରାଯାଇଥିବା ବେଳେ ପାଞ୍ଚଟି ଶ୍ରେଣୀରେ ପ୍ରାୟ ଚାଳିଶଜଣ ଛାତ୍ରଛାତ୍ରୀ ପାଠପଢୁଛନ୍ତି । ଉକ୍ତ ବିଦ୍ୟାଳୟର ଭିତ୍ତିଭୂମି ବିକାଶ ପ୍ରତି କେହି ଦୃଷ୍ଟି ଦେଉ ନଥିବା ବୋଲି ଗ୍ରାମବାସୀ ଅଭିଯୋଗ କରିଛନ୍ତି। ମୁଖ୍ୟରାସ୍ତା ଠାରୁ ମାତ୍ର ଶହେ ମିଟର ଦୂରରେ ସ୍କୁଲଟି ରହିଛି । ଖାଲି ବିଦ୍ୟାଳୟ କାନ୍ଥକୁ ରଙ୍ଗ ଲଗାଇ ଚକ୍ ଚକ୍ କରାଗଲେ ହେବନି । ବର୍ଷାଦିନେ ଛାତ୍ରଛାତ୍ରୀ ମାନେ କିପରି ସୁବିଧାରେ ସ୍କୁଲକୁଆସିବେ ତାହାବିଭାଗୀୟ ଅଧିକାରୀଙ୍କ ନଜରକୁ ଆସିବା ଦରକାର ବୋଲି ସ୍ଥାନୀୟବାସିନ୍ଦା କହିଛନ୍ତି । ଏସମ୍ପର୍କରେ ବିଦ୍ୟାଳୟ ପରିଚାଳନା କମିଟି, ଅବିଭାବକ ଓ ଗ୍ରାମବାସୀଙ୍କ ପକ୍ଷରୁ ବିଭାଗୀୟ ଅଧିକାରୀଙ୍କୁ ଅବଗତ କରାଯାଇଥିଲେ ମଧ୍ୟ ସେ ଉଦାସୀନ ରହୁଛନ୍ତି ବୋଲି ଅଭିଯୋଗ ହୋଇଛି ।
Popular Categories
Previous article
Next article