ସମ୍ବଲପୁର : ସମ୍ବଲପୁର ଠାରେ ସେତୁ ପକ୍ଷରୁ ଆୟୋଜିତ ପୁସ୍ତକ ମେଳାର ୪ର୍ଥ ଦିବସରେ ଅଧ୍ୟାପିକା ଡ. ଲିପିକା ମିଶ୍ରଙ୍କ ୨ଟି ପୁସ୍ତକ ‘ଉତ୍ତର ଆଧୁନିକତାର ରୂପରେଖ ଓ ଓଡିଆ ନାଟକ’ ଏବଂ ସମ୍ପାଦନା ଓ ସମୀକ୍ଷା ଭିତ୍ତିକ ପୁସ୍ତକ ‘ନୟନତାରା’ ଲୋକାର୍ପିତ ହୋଇଯାଇଛି। ସୁରଜମଲ କଲେଜର ଅଧ୍ୟକ୍ଷ ଡ. ମନୋଜ ପଣ୍ଡାଙ୍କ ପୌରୋହିତ୍ୟରେ ଆୟୋଜିତ ଏହି ଉତ୍ସବରେ କବି ତଥା ସାମ୍ବାଦିକ ଲକ୍ଷ୍ମୀନାରାୟଣ ହୋତା ନୟନତାରା ପୁସ୍ତକର ସମୀକ୍ଷା କରିଥିଲେ। ସରକାରୀ ମହିଳା ମହାବିଦ୍ୟାଳୟର ଓଡିଆ ବିଭାଗୀୟ ମୁଖ୍ୟ ଅଖିଳ ବିଶ୍ୱାଳ ଓଡିଆ ନାଟକର ଧାରା ଓ ସେଥିରେ ଉତ୍ତର ଆଧୁନିକତା ଚାପ ସର୍ମ୍ପକରେ ଆଲୋଚନା କରିଥିଲେ। ଉତ୍ସବରେ ଦୟାନିଧି ମିଶ୍ରଙ୍କ ନାତି ଏପିକଲର ଅଧ୍ୟକ୍ଷ ପ୍ରଭାତାଦିତ୍ୟ ମିଶ୍ର ଲେଖିକାଙ୍କ ଏହି ସାରସ୍ୱତ ଉଦ୍ୟମକୁ ପ୍ରଶଂସା କରିଥିଲେ। ଅଧ୍ୟାପିକା ରଞ୍ଜିତା ମାଝୀ ସ୍ୱାଗତ ଭାଷଣ ଓ ଧନ୍ୟବାଦ ଅର୍ପଣ କରିଥିଲେ।
Popular Categories
Previous article
Next article