ଡେସ୍କ: କୋଲକାତାର ଆରଜି କର ମେଡିକାଲ କଲେଜ ଓ ହସ୍ପିଟାଲର ଜଣେ ପ୍ରଶିକ୍ଷାର୍ଥୀ ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଅଭିଯୋଗରେ ଗିରଫ ହୋଇଥିବା ସଞ୍ଜୟ ରାୟଙ୍କ ଓକିଲ କବିତା ସରକାର କହିଛନ୍ତି ଯେ ତାଙ୍କ ମହକିଲ ଯେଉଁ ଅପରାଧରେ ସମ୍ପୃକ୍ତ ଅଛନ୍ତି ସେଥିରେ ତାଙ୍କର ସମ୍ପୃକ୍ତି ନାହିଁ। ସଞ୍ଜୟ ରାୟଙ୍କ ପଲିଗ୍ରାଫ୍ ଟେଷ୍ଟ ବା ଲାଇ ଡିଟେକ୍ସନ ଟେଷ୍ଟ ଦ୍ୱାରା ସତ ସାମ୍ନାକୁ ଆସିବ ବୋଲି କବିତା ସରକାର ଦାବି କରିଛନ୍ତି।
ସେ କହିଛନ୍ତି, ମୋ ମହକିଲ ସଞ୍ଜୟ ରାୟ ଚାହୁଁଛନ୍ତି ଯେ ଅଧିକାରୀମାନେ ତାଙ୍କ ପଲିଗ୍ରାଫ୍ ଟେଷ୍ଟ କରନ୍ତୁ କାରଣ ଏହାଦ୍ୱାରା ସତ କଥା ଜଣାପଡିବ। ସେ ନିର୍ଦ୍ଦୋଷ ଏବଂ ସେ ପଲିଗ୍ରାଫ୍ ପରୀକ୍ଷା ପାଇଁ ଆଗ୍ରହୀ ବୋଲି କବିତା ସରକାର କହିଛନ୍ତି।
ଆଜି (ଶନିବାର) ଠାରୁ ସଞ୍ଜୟ ରାୟଙ୍କ ଲାଇ ଡିଟେକ୍ସନ ଟେଷ୍ଟ ଆରମ୍ଭ ହୋଇଛି। ସଞ୍ଜୟ ରାୟଙ୍କୁ ଯେଉଁ ଜେଲରେ ରଖାଯାଇଛି ସେଠାରେ ତାଙ୍କର ପଲିଗ୍ରାଫ୍ ଟେଷ୍ଟ କରାଯାଉଥିବା ବେଳେ ଘଟଣା ରାତିରେ ଡ୍ୟୁଟିରେ ଥିବା ପୂର୍ବତନ ପ୍ରିନ୍ସିପାଲ ସନ୍ଦୀପ ଘୋଷଏବଂ ଜଣେ ନାଗରିକ ସ୍ୱେଚ୍ଛାସେବୀଙ୍କ ସମେତ ବାକି ୬ ଜଣ କୋଲକାତାସ୍ଥିତ ଏଜେନ୍ସି କାର୍ଯ୍ୟାଳୟରେ ପରୀକ୍ଷା କରୁଛନ୍ତି।କବିତା ସରକାର କହିଛନ୍ତି, ପଲିଗ୍ରାଫ୍ ଟେଷ୍ଟ ପାଇଁ ସଞ୍ଜୟଙ୍କ ସହମତି ନିଆଯିବା ବେଳେ ମୁଁ ସେଠାରେ ଉପସ୍ଥିତ ଥିଲି।
Comments are closed.