ଭବାନୀପାଟଣା : କଳାହାଣ୍ଡି ଜିଲ୍ଲା କୋକସରା ଥାନା ଟେମରା ସିର୍ଲିଗୁଡ଼ା ଗାଁ ନିକଟସ୍ଥ କେନାଲରୁ ଏକ ଆହତ ସମ୍ବର ଉଦ୍ଧାର କରାଯାଇଛି । ଶନିବାର ରାତିରୁ ସମ୍ବରଟି ମେଗା ଲିଫ୍ଟ କେନାଲରେ ପଡିରହିଥିଲା। ରବିବାର ସକାଳୁ ସିର୍ଲିଗୁଡା ଗାଁ ଲୋକ ସମ୍ବରଟିକୁ ଉଦ୍ଧାର କରିଛନ୍ତି। ପରେ ଗ୍ରମାବାସୀଙ୍କ ଠାରୁ ଖବର ପାଇ ବନ କର୍ମଚାରୀ ପ୍ରକାଶ ମିଶ୍ର ଏବଂ ସୁଧାଂଶୁ ସାହୁ ପ୍ରମୁଖ ଘଟଣାସ୍ଥଳରୁ ସମ୍ବରଟିକୁ ନେଇ କୋକସରା ପ୍ରାଣୀ ଚିକିତ୍ସାଳୟରେ ଭର୍ତ୍ତି କରିଛନ୍ତି। ପ୍ରାଥମିକ ଚିକତ୍ସା ପରେ ସମ୍ବରଟିକୁ ବେହେରା ସେକ୍ସନ ଅଫିସରେ ରଖାଯାଇଛି। ତେବେ ସମ୍ବରଟି ନିକଟସ୍ଥ ସାହାଜଖୋଲ ଜଙ୍ଗଲରୁ ଚାଲି ଆସିଥିବା ଅନୁମାନ କରାଯାଉଛି। ସମ୍ବରଟି ସୁସ୍ଥ ହେବା ପରେ ତାକୁ ଜଙ୍ଗଲରେ ଛଡାଯିବା ନେଇ ସୂଚନା ମିଳିଛି।
Popular Categories
Previous article
Next article