ସମ୍ବଲପୁର : ସମ୍ବଲପୁର ଜିଲାରେ ଜଣେ ଟ୍ରକ ଚାଳକ ନିମୟ ଉଲ୍ଲଙ୍ଘନ କରିଥିବାରୁ ୮୬ ହଜାର ୫୦୦ ଟଙ୍କା ଜରିମାନା କରାଯାଇଛି। ସଂପୃକ୍ତ ଚାଳକଙ୍କ ଠାରୁ ୭୦ ହଜାର ଟଙ୍କା ଜରିମାନା ଆଦାୟ କରାଯାଇଥିବା ଜଣାପଡ଼ିଛି। ମିଳିଥିବା ସୂଚନା ଅନୁଯାୟୀ, ଟ୍ରକଟି ଏକ ଜେସିବି ମେସିନ ନେଇ ତାଳଚେରରୁ ସମ୍ବଲପୁର ଅଭିମୁଖେ ଯାଉଥିଲା। ଏହି ସମୟରେ ସମ୍ବଲପୁର ପରିବହନ ବିଭାଗ ଟ୍ରାଫିକ ଇନ୍ସପେକ୍ଟର ଟ୍ରକକୁ ଅଟକାଇ ଥିଲେ। ଶରଳାକାନି ନିକଟରେ ତାଙ୍କୁ ଅଟକା ଯାଇଥିଲା। ଓଭର ଲୋଡ଼ିଂ, ଓଭର ଡ଼ାଇମେନ୍ସନାଲ ଲୋଡ଼ିଂ ଓ ବିନା ଡ଼୍ରାଇଭିଂ ଲାଇସେନ୍ସ ପାଇଁ ଟ୍ରକକୁ ୮୬ ହଜାର ୫୦୦ ଟଙ୍କା ଜରିମାନା କରାଯାଇଥିଲା। ମାତ୍ର ଆଲୋଚନା ପରେ ଚାଳକ ୭୦ ହଜାର ଟଙ୍କା ଜରିମାନା ଦେଇଥିବା ଜଣାପଡ଼ିଛି। ଟ୍ରକ ଚାଳକଙ୍କ ଠାରୁ ଏହି ଜରିମାନା ଏବେ ଚର୍ଚ୍ଚାର ବିଷୟ ପାଲଟିଛି।
