bjd gruha runa banner

ସଡକ ଦୁର୍ଘଟଣାରେ ଜଣେ ମୃତ, ୨ ଆହତ

bjd  ek lkhya koti banner

ସମ୍ବଲପୁର(ସିଟି): ସ୍ଥାନୀୟ ଅଇଁଠାପାଲି ଥାନା ଅର୍ନ୍ତଗତ ପରଧିଆପାଲି ଠାରେ ବିଜୁ ଏକ୍ସପ୍ରେସ ୱେ ଠାରେ ଏକ ମର୍ମଦୁନ୍ତ ସଡକ ଦୁର୍ଘଟଣାରେ ଜଣେ ମୃତ୍ୟୁ ବରଣ କରିଥିବା ବେଳେ ୨ ଜଣ ଗୁରୁତର ଆହତ ହୋଇଛନ୍ତି। ଶୁକ୍ରବାର ସନ୍ଧ୍ୟା ପ୍ରାୟ ୬ଟା ସମୟରେ ୩ ଜଣ ଯୁବକ ଏକ ବାଇକରେ ଅତ୍ୟନ୍ତ ଦ୍ରୃତଗତିରେ ସମ୍ବଲପୁର ପଟକୁ ଶାସନ ପଟରୁ ଆସୁଥିବା ବେଳେ ପରଧିଆପାଲି ଠାରେ ଭାରସାମ୍ୟ ହରାଇ ସମ୍ମୁଖରେ ଯାଉଥିବା ଏକ ଗାଡିରେ ପଛରୁ ଜୋରରେ ବାଡେଇ ହୋଇଥିଲେ। ଫଳରେ ଘଟଣାସ୍ଥଳରେ ଜଣେ ଯୁବକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୨ ଜଣ ଗୁରୁତର ଆହତ ହୋଇଥିଲେ। ତୁରନ୍ତ ସ୍ଥାନୀୟ ଲୋକେ ପୁଲିସକୁ ଖବର ଦେବା ସହିତ ଉଦ୍ଧାର କରି ସେମାନଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ଆଣିଥିବା ବେଳେ ଅବସ୍ଥା ଗୁରୁତର ହେବାରୁ ୨ ଜଣଙ୍କୁ ବୁର୍ଲା ଭିମସାରକୁ ସ୍ଥାନାନ୍ତର କରାଯାଇଛି।

ଏ ସମ୍ପର୍କରେ ଅଇଁଠାପାଲି ପୁଲିସ କହିଛି ଯେ, ମୃତକ ଓ ଆହତ ମାନଙ୍କର ପରିଚୟ ଜଣାପଡି ନ ଥିବା ବେଳେ ଗାଡି ନମ୍ବରରୁ ତାହା ବରଗଡ ଜିଲା ଅମ୍ବାଭନା ଅଞ୍ଚଳର ବୋଲି ଜଣାପଡିଛି। ପୁଲିସ ତରଫରୁ ଗାଡି ମାଲିକଙ୍କ ସହିତ ଯୋଗାଯୋଗର ଉଦ୍ୟମ ଜାରି ରଖାଯାଇଛି ବୋଲି କହିଛି।

Comments are closed.