ସମ୍ବଲପୁର: ସମ୍ବଲପୁର ସଦରଥାନା ଅନ୍ତର୍ଗତ ଜୟନ୍ତଛକ ନିକଟରେ ଥିବା ଏକ ବେସରକାରୀ ନର୍ସିଂ କଲେଜରେ ଜଣେ ଛାତ୍ରୀଙ୍କ ସନ୍ଦେହ ଜନକ ଭାବେ ମୃତଦେହ ମିଳିଛି। ମୃତକ ଜଣକ ହେଉଛନ୍ତି ସୁତପା ମହାନ୍ତି ପଶ୍ଚିମବଙ୍ଗର ପୁରୁଲିଆ ଜ଼ୀଲ୍ଲାର। କିଛି ଦିନ ପୂର୍ବରୁ ସୁତପା ଘରକୁ ଯାଇଥିଲେ। ଘରୁ ଆସିଲା ପରେ ସେ ଟିକେ ଏକା ଏକା ରହୁଥିଲେ। ସେ ମାନସିକ ଚାପରେ ମଧ୍ୟ ରହୁଥିବା କହିଛନ୍ତି କଲେଜ କତ୍ତୃପକ୍ଷ। ସେ କଲେଜ ହଷ୍ଟେଲରେ ନରହି କଲେଜ କ୍ୟାମ୍ପସ ଭିତରେ ଥିବା ଏକ ରୁମ ରେ ଏକା ରହୁଥିଲେ। ସୋମବାର ସକାଳୁ ତାଙ୍କର ଜଣେ ସାଙ୍ଗ କ୍ଲାସ କରିବା ପାଇଁ ଡାକିଥିଲେ ହେଲେ ସୁତପା କବାଟ ଖୋଲିନଥିଲେ। ଏହା ଦେଖି ହଷ୍ଟେଲ ୱାର୍ଡନକୁ ଡାକିଥିଲେ। ୱାର୍ଡନ ଏନେଇ ପୋଲିସକୁ ଖବର ଦେଇଥିଲେ ପୋଲିସ ଘଟଣାସ୍ଥଳକୁ ପହଁଚି ପ୍ରଥମେ କବାଟ ଭାଙ୍ଗିଥିଲେ। କବାଟ ଭାଙ୍ଗିଲାପରେ ଭିତରେ ସୁତପାର ମୃତଦେହ ଘରେ ଝୁଲୁଥିବାର ଦେଖିବାକୁ ପାଇଥିଲେ। ପୋଲିସ ମୃତକଙ୍କ ପରିବାରକୁ ଏନେଇ ଖବର ଦେଇଥିଲେ। ମୃତ ଦେହକୁ ପୋଲିସ ଶବ ବ୍ୟବଚ୍ଛେଦ ଗୃହକୁ ପଠାଇ ତଦନ୍ତ ଆରମ୍ଭ କରିଥିବା ଜଣାପଡିଛି।
Comments are closed.