ସମ୍ବଲପୁର: ରୋଟାରୀ କ୍ଲବ ଅଫ ସମ୍ବଲପୁର ଗ୍ରେଟର ପକ୍ଷରୁ ୨ ଦିନିଆ ନେତୃତ୍ୱ ପ୍ରତିଷ୍ଠାନ ସ୍ନାତକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ସ୍ଥାନୀୟ ବୀର ସୁରେନ୍ଦ୍ର ସାଏ ମାର୍ଗ ସ୍ଥିତ ଏକ ହୋଟେଲରେ ଆୟୋଜିତ ଏହି କାର୍ଯ୍ୟକ୍ରମରେ କ୍ଲବର ସଦସ୍ୟ ଓ ସଦସ୍ୟମାନଙ୍କୁ ନେତୃତ୍ୱ ବିକାଶ ନିମନ୍ତେ ୩ଟି ପର୍ଯ୍ୟାୟରେ ପ୍ରଶିକ୍ଷଣ ଦିଆଯାଇଥିଲା। ସଦସ୍ୟମାନେ ନିଜର ନେତୃତ୍ୱର ବିକାଶ ଦ୍ୱାରା ସମାଜର କଲ୍ୟାଣ ନିମନ୍ତେ ନିଜକୁ ଯେଭଳି ନିୟୋଜିତ କରିପାରିବେ, ସେହି ଲକ୍ଷ୍ୟକୁ ନେଇ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା। ଏଥିରେ ପଶ୍ଚିମ ଓଡ଼ିଶାର ବିଭିନ୍ନ ଜିଲାରୁ ୩୦ରୁ ଊର୍ଦ୍ଧ୍ବ ସଦସ୍ୟ ଓ ସଦସ୍ୟା ଭାଗ ନେଇଥିଲେ। କାର୍ଯ୍ୟକ୍ରମକୁ ଆୟୋଜନ ଓ ପରିଚାଳନାରେ ସଭାପତି ଡା. ଦୀପକ ପାଣିଗ୍ରାହୀ, ସଂଯୋଜିକା ଅଞ୍ଜନା ମୈତ୍ରା, ଘନଶ୍ୟାମ ମେହେର, ଦିଲ୍ଲୀପ ପଟ୍ଟନାୟକ, ଶମ୍ଭୁ ଜଗତରାମକା, ଡା. ଅଶୋକ ସିଂହ, ଏଫ. ସି. ମହାନ୍ତି, ମହମ୍ମଦ ପରୱେଜ ଅଲ୍ଲୀ ଖାନ, ପ୍ରଶାନ୍ତ ରଥ, ବିଲାଲ ମଲ୍ଲିକ, ତ୍ରିଶା ରାନୀ, ଚିନ୍ମୟ ଶତପଥୀ, ପୁତୁଲ ରାହୁଲ ପ୍ରମୁଖ ସକ୍ରିୟ ଭୂମିକା ନିର୍ବାହ କରିଥିଲେ।
Comments are closed.