ବୌଦ୍ଧ: ଓଡ଼ିଶା ପ୍ରାଦେଶିକ ମାରୱାଡି ମହିଳା ସମିତିର ରାଜ୍ୟ ସଭାନେତ୍ରୀ ଚନ୍ଦା ସନ୍ତୁକା ବୁଧବାର ଦିନ ଦିନିକିଆ ବୌଦ୍ଧ ଗସ୍ତରେ ଆସି ବିଭିନ୍ନ କାର୍ଯ୍ୟକ୍ରମରେ ଅଂଶ ଗ୍ରହଣ କରିଛନ୍ତି। ବୌଦ୍ଧ ଅଗ୍ରସେନ ଭବନ ଠାରେ ମାରୱାଡି ମହିଳା ସମିତି ର ବୌଦ୍ଧ ଶ।।ଖାର କର୍ମକର୍ତା ଏବଂ ସଦସ୍ୟାମାନେ ଶ୍ରୀମତୀ ସନ୍ତୁକାଙ୍କୁ ସ୍ୱାଗତ କରିଥିଲେ। ବୌଦ୍ଧ ଶାଖା ଅଧ୍ୟକ୍ଷା ଶକୁନ୍ତଳା ଗର୍ଗଙ୍କ ସଭାପତିତ୍ୱରେ ଆୟୋଜିତ ସଭାରେ ସମ୍ପାଦିକା ସୀମା ଅଗ୍ରୱାଲ ଶ।।ଖା ପକ୍ଷରୁ ଗ୍ରହଣ କରାଯାଇଥିବା ବିଭିନ୍ନ କାର୍ଯ୍ୟକ୍ରମ ସଂପର୍କରେ ଆଲୋଚନା କରିଥିଲେ। ରାଜ୍ୟ ସଭାପତି ଶ୍ରୀମତୀ ସନ୍ତୁକା ରାଜ୍ୟ ସଂଘର କାର୍ଯ୍ୟକ୍ରମ ସଂପର୍କରେ ସୂଚନା ଦେବା ସହ ଆଗାମୀ ଦିନରେ ବୌଦ୍ଧ ଶାଖା ପକ୍ଷରୁ ଅଧିକ ଜନହିତକର କାର୍ଯ୍ୟକ୍ରମ ହାତକୁ ନେବାକୁ ମାର୍ଗ ଦର୍ଶନ କରିଥିଲେ। କାର୍ଯ୍ୟକ୍ରମରେ ପୂନମ ଅଗ୍ରୱାଲ, ବବିତା ଅଗ୍ରୱାଲ, ଆଶା ଅଗ୍ରୱାଲ, ସୁଲୋଚନା ଅଗ୍ରୱାଲ,ଉମା ଅଗ୍ରୱାଲ, ଜ୍ୟୋତି ଅଗ୍ରୱାଲ, ଚଞ୍ଚଳ ଅଗ୍ରୱାଲ ପ୍ରମୁଖ ଯୋଗଦେଇ ଆଲୋଚନା ଅଂଶ ଗ୍ରହଣ କରିଥିଲେ।
Comments are closed.