ମୁମ୍ବଇ: ସଲମାନ ଖାନ ବଲିଉଡ଼ର ଜଣେ ଲୋକପ୍ରିୟ ଅଭିନେତା। ପ୍ରଶଂସକଙ୍କ ମଧ୍ୟରେ ସେ ଭାଇଜାନ୍ ଭାବେ ପରିଚିତ। ତାଙ୍କର ଟିକିଏ ଝଲକ୍ ପାଇଁ ପ୍ରଶଂସକମାନେ ପାଗଳ। ସଲମାନ ମଧ୍ୟ ତାଙ୍କ ପ୍ରଶଂସକଙ୍କୁ ଖୁଲମଖୁଲ୍ଲା ଭେଟନ୍ତି। କିନ୍ତୁ ଏବେ ତାଙ୍କ ସୁରକ୍ଷା ଚିନ୍ତାର ବିଷୟ ପାଲଟିଛି। ଅନେକ ଥର ହତ୍ୟା ଧମକ ପାଇଥିବା ସଲମାନଙ୍କୁ ନେଇ ପୁଣି ଏପରି ଏକ ଖବର ସାମ୍ନାକୁ ଆସିଛି, ଯାହାକୁ ନେଇ ତାଙ୍କ ପରିବାରଠାରୁ ଆରମ୍ଭ କରି ପ୍ରଶଂସକ ଓ ସୁରକ୍ଷା କର୍ମୀଙ୍କ ପର୍ଯ୍ୟନ୍ତ ସମସ୍ତଙ୍କ ଚିନ୍ତା ବଢିଯାଇଛି। ନିକଟରେ ଅଭିନେତାଙ୍କ ନଭି ମୁମ୍ବଇର ପନଭେଲ୍ସ୍ଥିତ ଫାର୍ମ ହାଉସରେ ୨ ଜଣ ସନ୍ଦିଗ୍ଧ ଜବରଦସ୍ତ ପ୍ରବେଶ କରିବାକୁ ଚେଷ୍ଟା କରିଛନ୍ତି। ତେବେ ଉଭୟଙ୍କୁ ସୁରକ୍ଷାକର୍ମୀ ଧରି ପୁଲିସକୁ ହସ୍ତାନ୍ତର କରିଛନ୍ତି। ଉଭୟ ପୁଲିସକୁ ନକଲି ପରିଚୟପତ୍ର ଦେଇଥିବା ବେଳେ ପ୍ରାଥମିକ ତଦନ୍ତରୁ ସେମାନେ ପଞ୍ଜାବର ଫାଜିଲ୍କା ଜିଲାର ଅଜେଶ୍ କୁମାର ଗିଲା(୨୩) ଏବଂ ଗୁର୍ସେୱକ ସିଂହ ଶିଖ୍ ବୋଲି ଜଣାପଡ଼ିଛି।
Comments are closed.