ସଇଁନ୍ତଲା/ବଡ଼ମାଳ: ସଇଁନ୍ତଲା ଥାନା ଘୁନସର ଯୁକ୍ତ ୩ କଲେଜ ଛକରେ ଗତକାଲି ସନ୍ଧ୍ୟା ସମୟରେ ବଲାଙ୍ଗୀରରୁ ଘୁନସରକୁ କେସିଙ୍ଗାର ନାରେନ ଅଗ୍ରୱାଲ ଓ ଡ୍ରାଇଭର ଦିଗାମ୍ବର ସ୍ୱାଇଁ ଚାରି ଚକିଆ ଗାଡି(୦ଡି ୦୮କିୟୁ ୬୯୪୦) ଯୋଗେ ଆସୁଥିବା ବେଳେ ହଠାତ କଲେଜ ଛକ ନିକଟରେ ଥିବା ଜଙ୍ଗଲରୁ ୬ ଜଣ ଦୁର୍ବୃତ୍ତ ଆସି ପଥର ଓ ଠେଙ୍ଗା ସାହାଯ୍ୟରେ ଗାଡିର କାଚକୁ ଭାଙ୍ଗି ଲୁଟ କରିବା ପାଇଁ ଉଦ୍ୟମ କରିଥିଲେ । କିନ୍ତୁ ଗାଡ଼ି ପଛରେ କିଛି ବ୍ୟକ୍ତି ଆସୁଥିବାରୁ ଦୁର୍ବୃତ୍ତ ମାନେ ଫେରାଇ ହେଇଯାଇଥିଲେ । ଏନେଇ ଖବର ପାଇବା ପରେ ସଇଁନ୍ତଲା ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା । ସୂଚନା ଥାଉକି, ସେହି ସ୍ଥାନରେ ପ୍ରାୟ ଦୁଇ ବର୍ଷ ତଲେ ଲେମ୍ବୁ ସାହୁ ନାମକ ଏକ ବ୍ୟକ୍ତିଙ୍କ ମୃତଦେହ ମିଳିଥିଲା । ମୃତଦେହ ପାଖରେ ଏକ ରକ୍ତ ଭିଜା ବାଇକ୍ ମଧ୍ୟ ପୁଲିସ ଜବତ କରିଥିଲା । ତେବେ ଏହି ନିର୍ଦ୍ଧିଷ୍ଟ ଜାଗାରେ ବାରମ୍ବାର ଏହିପରି ଘଟଣା ଘଟୁଥିବାରୁ ସନ୍ଧ୍ୟାବେଳେ ଲୋକେ ଏହି ରାସ୍ତା ଦେଇ ଯିବା ପାଇଁ ଭୟଭୀତ ହେଉଛନ୍ତି । ତେବେ ଏହି ରାସ୍ତାରେ ସନ୍ଧ୍ୟା ସମୟରେ ପୁଲିସ ପାଟ୍ରୋଲିଂ କରିବା ପାଇଁ ସ୍ଥାନୀୟ ଲୋକେ ଦା ବିକରିଛନ୍ତି।
Popular Categories
Previous article
Next article