ମୁମ୍ବଇ: ବଲିଉଡ଼ ଅଭିନେତା ସୈଫ୍ ଅଲୀ ଖାନ୍ଙ୍କ ଜନ୍ମଦିନ ଅବସରରେ ବୁଧବାର ତାଙ୍କ ପ୍ରଶଂସକଙ୍କୁ ମିଳିଛି ଏକ ଉପହାର। ଆଗାମୀ ଚଳଚ୍ଚିତ୍ର ‘ଦେଭ୍ରା’ରୁ ସୈଫ୍ଙ୍କ ପ୍ରଥମ ଲୁକ୍ ସାମ୍ନାକୁ ଆସିଛି। ଦକ୍ଷିଣ ଭାରତୀୟ ଅଭିନେତା ଜୁନିୟର ଏନଟିଆର ଫିଲ୍ମରୁ ସୈଫ୍ଙ୍କ ପ୍ରଥମ ଲୁକ୍ ପୋଷ୍ଟର ଶେୟାର କରିଛନ୍ତି। ଏଥିସହ ତାଙ୍କୁ ଜନ୍ମଦିନର ଶୁଭେଚ୍ଛା ମଧ୍ୟ ଜଣାଇଛନ୍ତି। ଏଠାରେ ସୂଚନାଯୋଗ୍ୟ, ‘ଦେଭ୍ରା’ ଏକ ଦକ୍ଷିଣ ଭାରତୀୟ ଚଳଚ୍ଚିତ୍ର। ଏଥିରେ ସୈଫ୍, ଜୁନିୟର ଏନଟିଆରଙ୍କ ବ୍ୟତୀତ ଜାହ୍ନବୀ କପୁର ମଧ୍ୟ ନଜର ଆସିବେ। ପୂର୍ବରୁ ଏନଟିଆରଙ୍କ ଲୁକ୍ ନିର୍ମାତା ରିଲିଜ୍ କରି ସାରିଛନ୍ତି।
BHAIRA
Happy Birthday Saif sir !#Devara pic.twitter.com/DovAh2Y781
— Jr NTR (@tarak9999) August 16, 2023
ପୋଷ୍ଟରରେ ସୈଫ୍ଙ୍କୁ ଲମ୍ବା କେଶରେ ଦେଖିବାକୁ ମିଳିଛି। ସାମାଜିକ ଗଣମାଧ୍ୟମରେ ପ୍ରଶଂସକ ସୈଫ୍ଙ୍କ ପ୍ରଶଂସା କରୁଛନ୍ତି। ଏହି ଚଳଚ୍ଚିତ୍ର ମାଧ୍ୟମରେ ପ୍ରଥମ ଥର ପାଇଁ ସୈଫ୍ ଓ ଜୁନିୟର ଏନଟିଆରଙ୍କୁ ଏକାଠି କାମ କରୁଥିବା ଦେଖିବାକୁ ମିଳିବ। ଏନଟିଆର ଆର୍ଟସ୍ ଓ ଯୁବା ସୁଧା ଆର୍ଟସ ବ୍ୟାନରରେ ନିର୍ମିତ ଏହି ଚଳଚ୍ଚିତ୍ର ଆସନ୍ତା ବର୍ଷ ଏପ୍ରିଲ୍ ୫ରେ ପରଦାକୁ ଆସିବ।
