ପାଟଣା : କେନ୍ଦୁଝର ବନଖଣ୍ଡ ପାଟଣା ବନାଞ୍ଚଳ ସାହାରପଡା ବନକ୍ଷେତ୍ର ଅଧିନସ୍ଥ ଭୋଳପଡ଼ା, ଶଙ୍ଖୁଆ ଏବଂ ବୁଢାବଣ ଗ୍ରାମ ନିକଟ ଜିଲ୍ଲା ସୀମାନ୍ତ ଜଙ୍ଗଲରେ ୩ ଦିନ ହେଲାଣି ୨୨ଘରିଆ ହାତୀ ପଲ ଡେ଼ରା ପକାଇଛନ୍ତି । ଦିନ ବେଳା ହାତୀପଲ ଘଞ୍ଚ ଜଙ୍ଗଲରେ ରହୁଥିବା ବେଳେ ସନ୍ଧ୍ୟା ନଇଁଲେ ଗାଁ ମୁହାଁ ହୋଇ ଘର ଭାଙ୍ଗିବା ସହ ଗଛିତ ଥିବା ଧାନ ଚାଉଳ ଏବଂ ବାଡ଼ିରେ ଥିବା ପନିପରିବା ଖାଇବା ସଙ୍ଗେ ସଙ୍ଗେ ଦଳିଚକଟି ନଷ୍ଟ କରୁଥିବା ସ୍ଥାନୀୟ ଲୋକେ ଅଭିଯୋଗ କରିଛନ୍ତି । ଏହି ହାତୀପଲ ଗତ ରାତିରେ ୨ଟି ଘର ଭାଙ୍ଗିଛନ୍ତି । ଶଙ୍ଖୁଆ ଗ୍ରାମର ମନ୍ତ୍ରୀ ଦେହୁରୀ ଏବଂ ଶ୍ରୀଧର ନାଏକଙ୍କର ଘର ବୋଲି ସାହାରପଡ଼ା ବନପାଳ ଭୂପତି କୁମାର ସେଠୀଙ୍କ ପକ୍ଷରୁ ସୂଚନା ମିଳିଛି । ସାହାରପଡା ବନପାଳଙ୍କ ଉପସ୍ଥିତିରେ ଅନ୍ୟ ବନ କର୍ମଚାରୀ ମାନେ ହାତୀପଲର ଗତିବିଧି ଉପରେ ନଜର ରଖିବା ସହ ସ୍ଥାନୀୟ ଲୋକଙ୍କୁ ସଚେତନ କରାଉଛନ୍ତି । ଶୁକ୍ରବାର ସନ୍ଧ୍ୟାରେ ହାତୀପଲ ବୁଢାବଣ ଗ୍ରାମର ଚାତୁରୀସାହି ନିକଟ ଜଙ୍ଗଲରେ ଥିବା ସ୍ଥାନୀୟ ଲୋକ ସୂଚନା ଦେଇଛନ୍ତି ।
Popular Categories
Previous article
Next article