mission shakti banner

ସରକାରୀ ବନ୍ଧୁକରେ ଆତ୍ମହତ୍ୟା କଲେ ତେନ୍ଦୁଲକରଙ୍କ ସୁରକ୍ଷାରେ ନିୟୋଜିତ ଯବାନ

bjd gruha runa banner

ସମାଜ ଡିଜିଟାଲ ଡେସ୍କ: କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକରଙ୍କ ସୁରକ୍ଷାରେ ନିୟୋଜିତ ଷ୍ଟେଟ୍‌ ରିଜର୍ଭ ପୁଲିସ ଫୋର୍ସ(ଏସଆରପିଏଫ)ର ଜଣେ ଯବାନ ଆତ୍ମହତ୍ୟା କରିଛନ୍ତି। ଜାମନେର ସହରସ୍ଥିତ ନିଜ ପୈତୃକ ବାସଭବନରେ ସେ ଆତ୍ମହତ୍ୟା କରିଛନ୍ତି। ବୁଧବାର ଏନେଇ ଅଧିକାରୀମାନେ ସୂଚନା ଦେଇଛନ୍ତି। ମୃତ ଯବାନଙ୍କ ନାଁ ପ୍ରକାଶ କାପଡ଼େ(୩୯) ବୋଲି ଜଣାପଡ଼ିଛି। ସେ ଛୁଟିରେ ତାଙ୍କ ପୈତୃକ ସହରକୁ ଯାଇଥିଲେ। କାପଡ଼େ ନିଜ ସରକାରୀ ବନ୍ଧୁକରୁ ନିଜକୁ ଗୁଳି କରି ଆତ୍ମହତ୍ୟା କରିଛନ୍ତି। ତାଙ୍କ ପରିବାରରେ ବୟସ୍କ ମାତା-ମାତା, ପତ୍ନୀ, ଦୁଇ ପିଲା, ଜଣେ ଭାଇ ଏବଂ ଅନ୍ୟ ସଦସ୍ୟ ଅଛନ୍ତି। ତେବେ ତାଙ୍କ ଆତ୍ମହତ୍ୟାର କାରଣ ବର୍ତ୍ତମାନସୁଦ୍ଧା ଜଣାପଡ଼ିନାହିଁ। ସୂତ୍ରରୁ ଜଣାପଡିଛି ଯେ, ଏସଆରପିଏଫ ପକ୍ଷରୁ ସ୍ଵତନ୍ତ୍ର ତଦନ୍ତ କରାଯିବାର ସମ୍ଭାବନା ରହିଛି, କାରଣ ଯବାନ ଜଣକ ଭିଭିଆଇପି ସୁରକ୍ଷାରେ ନିୟୋଜିତ ଥିଲେ।

 

Comments are closed.