ସବାନା ଆଜମୀ ଓ ଜାଭେଦ ଅଖତରଙ୍କ ପାକିସ୍ତାନ ଯାତ୍ରା ବାତିଲ

ମୁମ୍ବଇ : ବରିଷ୍ଠ ବଲିଉଡ ଅଭିନେତ୍ରୀ ସବାନା ଆଜମୀ ଓ ଲେଖକ, ସଙ୍ଗୀତଜ୍ଞ ଜାଭେଦ ଅଖତର ନିଜର ପାକିସ୍ତାନ ଯାତ୍ରା ରଦ୍ଧ କରିଛନ୍ତି। ଏହି ସୂଚନା ଅଭିନେତ୍ରୀ ସବାନା ଆଜମୀ ଟୁଇଟ୍‍ କରି ଜଣାଇଛନ୍ତି। ସବାନା ଲେଖିଛନ୍ତି, ଜାଭେଦ ଅଖତର ଓ ମତେ କେଫି ଆଜମୀ ଜନ୍ମସତି ସମାରୋହରେ ନିମନ୍ତ୍ରଣ କରାଯାଇଥିଲା। ମୁଁ କୃତଜ୍ଞତା ଜ୍ଞାପନ କରୁଛି ଯେ ପୁଲୱାମା ଆକ୍ରମଣ ପରେ ଏହି ଯାତ୍ରାକୁ ବାତିଲ ନେଇ ମେଜବାନ କରାଚି କଳା ପରିଷଦ ଏହାକୁ ଗ୍ରହଣ କରିଛନ୍ତି। ଏହାବ୍ୟତୀତ ସେ ଏହି ଘଟଣାକୁ ନିନ୍ଦା କରିବା ସହ ସହିଦ ପରିବାର ସହ ଛିଡା ହୋଇଥିବା ଜଣାପଡିଛି।
ସୂଚନାଯୋଗ୍ୟ ଯେ ଗୁରୁବାର ଜାମ୍ମୁ-କାଶ୍ମୀର ସ୍ଥିତ ପୁଲୱାମାରେ ହୋଇଥିବା ସବୁଠାରୁ ବଡ ଆତଙ୍କବାଦୀ ଆକ୍ରମଣରେ ୪୪ଜଣ ସିଆରପିଏଫ୍‍ ଯବାନ ସହିଦ ହୋଇଛନ୍ତି। ସିଆରପିଏଫ୍‍ ଯବାନଙ୍କ ଗାଡି ଯାଉଥିବା ସମୟରେ ଏକ ଆତ୍ମଘାତୀ କାର ବସ ସହ ଧକ୍କା ଦେଇଥିଲା। ଏହି ବିସ୍ପୋରଣ ଏତେ ଜୋର ଥିଲା ଯେ ନିକଟସ୍ଥ ୧୦କିଲୋମିଟର ପର୍ଯ୍ୟନ୍ତ ଏହାର ଶବ୍ଦ ଶୁଣାଯାଇଥିଲା।