ନୂଆଦିଲ୍ଲୀ : ବିବିଧତା ମଧ୍ୟରେ ଏକତାର ମହତ୍ୱ ବହନ କରୁଥିବା ଭାରତ ବର୍ଷରେ ଏବେ ଉତ୍ସବର ପରିବେଶ। ବିଭିନ୍ନ ସ୍ଥାନରେ ଭିନ୍ନ ଭିନ୍ନ ପର୍ବ ପର୍ବାଣୀ ଆମ ସାଂସ୍କୃତିକ ଏକତାର ପରିଚୟ ଦେଇଥାଏ । ସାରା ଦେଶର ବିଭିନ୍ନ ସ୍ଥାନରେ ରବିିବାର ହିନ୍ଦୁ ନୂତନ ବର୍ଷ ଉପଲକ୍ଷେ ଚୈତ୍ର ଶୁକ୍ଲାଦି, ଉଗାଦି, ଗୁଡ଼ି ପଡ୍ୱା, ଚେତିଚାନ୍ଦ ଏବଂ ସାଜିବୁ ଚେଇରୋବା ପର୍ବ ପାଳିତ ହୋଇଛି। ସେହିପରି ରବିିବାର ଠାରୁ ଚୈତ୍ର ନବରାତ୍ର ମଧ୍ୟ ଆରମ୍ଭ ହୋଇଛି। ବହୁ ସଂଖ୍ୟାରେ ଶ୍ରଦ୍ଧାଳୁ ମନ୍ଦିରରେ ଦେବୀଙ୍କୁ ଦର୍ଶନ କରି ପୂଜାର୍ଚ୍ଚନା କରିଛନ୍ତି। ଏହି ଅବସରରେ ଉତ୍ତର ପ୍ରଦେଶରେ ସମସ୍ତ ମନ୍ଦିର ଓ ଶକ୍ତିପୀଠଗୁଡିକରେ ସୁୁସଜ୍ଜିତ କରାଯାଇଛି। ମହାରାଷ୍ଟ୍ରରେ ମଧ୍ୟ ଗୁଡି ପଡ୍ୱା ପର୍ବ ପାଳନ କରାଯାଇଛି। ଲୋକେ ପାରମ୍ପରିକ ବେଶରେ ସଜେଇ ହୋଇ ଶୋଭାଯାତ୍ରାରେ ସହର ପରିକ୍ରମା କରିଛନ୍ତି। ଏହି ଉପଲକ୍ଷେ ରାଷ୍ଟ୍ରପତି ରାମନାଥ କୋବିନ୍ଦ୍, ଉପରାଷ୍ଟ୍ରପତି ଏମ୍. ଭେଙ୍କିୟା ନାଇଡୁ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି।
