ରେଢ଼ାଖୋଲ : ସମ୍ବଲପୁର ଜିଲ୍ଲା ରେଢ଼ାଖୋଲ ଥାନା କନ୍ଧରା ଗ୍ରାମର ଦଶରଥ ପ୍ରଧାନ(୪୨)ନାମକ ଜଣେ ବାଇକ୍ ଆରୋହୀଙ୍କର ମଙ୍ଗଳବାର ଅପରାହ୍ନ ପ୍ରାୟ ସାଢେ ୩ଟା ବେଳେ ସଡକ ଦୁର୍ଘଟଣାରେ ମୃତ୍ୟୁ ହୋଇଛି। ସୂଚନା ଅନୁସାରେ, ରେଢ଼ାଖୋଲ ଥାନା କନ୍ଧରା ଗ୍ରାମର ଦଶରଥ(ଓଡି.୩୧.ଏ.୬୪୨୦) ନଂ ବିଶିଷ୍ଟ ବାଇକ୍ ରେ ନିଜ ଗ୍ରାମ ନିକଟସ୍ଥ ରାହାଣ ଗ୍ରାମକୁ କୌଣସି କାମରେ ଯାଇ ଫେରୁଥିବାବେଳେ ବନ୍ଧିଲି ନିକଟରେ ଭାରସାମ୍ୟ ହରାଇ ରାସ୍ତା ପାର୍ଶ୍ବରେ ଥିବା ଏକ ଗଛରେ ପଟି ହୋଇ ଦୁର୍ଘଟଣାଗ୍ରସ୍ତ ହୋଇଥିଲେ। ଦୁର୍ଘଟଣାରେ ବାଇକ୍ ଆରୋହୀଙ୍କ ଘଟଣା ସ୍ଥଳରେ ମୃତ୍ୟୁ ହୋଇଥିବା ଜଣାପଡିଛି। ଦୁର୍ଘଟଣାର ଖବର ପାଇ ରେଢ଼ାଖୋଲ ପୁଲିସ ଘଟଣା ସ୍ଥଳରୁ ଶବ ଓ ବାଇକ୍ ଜବତ କରି ଏକ ଦୁର୍ଘଟଣା ଜନିତ ମାମଲା ରୁଜୁ କରି ତଦନ୍ତ କରୁଛି। ଆସନ୍ତାକାଲି ଶବ ବ୍ୟବଚ୍ଛେଦ କରାଇ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ଥାନା ଅଧିକାରୀ ପ୍ରଶାନ୍ତ କୁମାର ସାମଲ ପ୍ରକାଶ କରିଛନ୍ତି।
Popular Categories
Previous article
Next article