ପାଟଣା: ପାଟଣା ବ୍ଲକ ଅନ୍ତର୍ଗତ ତୁରୁମୁଙ୍ଗା ଦଧିବାମନ ଉଚ୍ଚ ମାଧ୍ୟମିକ ବିଦ୍ୟାଳୟର ଓଡ଼ିଆ ଭାଷା ଓ ସାହିତ୍ୟ ବିଭାଗ ମୁଖ୍ୟ ପ୍ରାଧ୍ୟାପକ ମହେଶ କୁମାର ଚାଟାର୍ଜୀ ଅବସର ଗ୍ରହଣ କରିଛନ୍ତି। ଏଥିପାଇଁ ଉଚ୍ଚ ମାଧ୍ୟମିକ ବିଦ୍ୟାଳୟ ପରିସରରେ ଅଧ୍ୟକ୍ଷ ଅଶ୍ଵତ୍ଥମା ଗିରିଙ୍କ ସଭାପତିତ୍ବରେ ଏକ ଅବସରକାଳୀନ ସମ୍ବର୍ଦ୍ଧନା ସଭା ଆୟୋଜିତ ହୋଇଥିଲା। ମୁଖ୍ୟଅତିଥିଭାବେ ପ୍ରାଧ୍ୟାପକ ଯତୀନ୍ଦ୍ର କୁମାର ମିଶ୍ର ଯୋଗ ଦେଇଥିବାବେଳେ ସମ୍ମାନିତ ଅତିଥି ଭାବେ ପାଟଣା ମହାବିଦ୍ୟାଳୟ ଅବସରପ୍ରାପ୍ତ ବରିଷ୍ଠ କିରାଣୀ ସନ୍ତୋଷ କୁମାର ସାହୁ ଯୋଗଦେଇଥିଲେ। ଅଧ୍ୟାପିକା ଅନ୍ନପୂର୍ଣ୍ଣା ମିଶ୍ରଙ୍କ ସଂଯୋଜନାରେ ଆୟୋଜିତ ସଭାରେ ଅଧ୍ୟାପକ ପ୍ରଭଞ୍ଜନ ନାଏକ, ସତ୍ୟପ୍ରକାଶ ମହନ୍ତ, ସସ୍ମିତା ତରାଇ, ପ୍ରମିଳା ମହାନ୍ତ, ସୋନାଲିକା ବାରିକ, ରମେଶ ଚନ୍ଦ୍ର ସାହୁ, ରାଜେନ୍ଦ୍ର କୁମାର ମହାନ୍ତ, ସୁଶିଲ କୁମାର ପ୍ରଧାନ, ସୁଧାଂଶୁ ଶେଖର ସାହୁ ପ୍ରମୁଖ ଉପସ୍ଥିତ ଥିଲେ। ସେମାନେ ପ୍ରାଧ୍ୟାପକ ଚାଟାର୍ଜୀଙ୍କ କର୍ତ୍ତବ୍ୟନିଷ୍ଠା, ସମୟାନୁବର୍ତ୍ତିତା, ଛାତ୍ରବତ୍ସଳତା, ନିର୍ମଳ ଶିକ୍ଷାଦାନ, ନିଃସ୍ୱାର୍ଥପରତା ଓ ପରୋପକାରିତା ଆଦି ଗୁଣ ମହାବିଦ୍ୟାଳୟର ସଫଳତା ପାଇଁ ଆଦର୍ଶ ପରମ୍ପରା ସୃଷ୍ଟି କରିଛି ବୋଲି ମତବ୍ୟକ୍ତ କରିଥିଲେ । ପରେ ଅଧ୍ୟକ୍ଷ ଓ ମୁଖ୍ୟଅତିଥି ପୁଷ୍ପଗୁଛ, ଉପଢୌକନ ଓ ମାନପତ୍ର ଦେଇ ପ୍ରାଧ୍ୟାପକ ଚାଟାର୍ଜୀଙ୍କୁ ସମ୍ୱର୍ଦ୍ଧିତ କରିଥିଲେ। ମୁଖ୍ୟ କିରାଣୀ ହୃଦାନନ୍ଦ ମହନ୍ତ, ସରୋଜ କୁମାର ସାହୁ, ମଦନ ମୋହନ ସାହୁ, ଜଗଦିଶ ଚନ୍ଦ୍ର ସାହୁ, ଭଗବାନ ମହାନ୍ତ, ସପନ ହାସଦା, ସଞ୍ଜୟ କାରୁଆ ଆଦି କାର୍ଯ୍ୟକ୍ରମରେ ପୂର୍ଣ୍ଣ ସହଯୋଗ କରିଥିବା ବେଳେ ଡିଇଓ ପଦ୍ମଲୋଚନ ସାହୁ ଧନ୍ୟବାଦ ଅର୍ପଣ କରିଥିଲେ।
Comments are closed.