ରେଙ୍ଗାଲିକ୍ୟାମ୍ପ: ଗ୍ରାମପଞ୍ଚାୟତ ଉଚ୍ଚ ବିଦ୍ୟାଳୟ ପତ୍ରାପାଲି ଠାରେ ୧୭ ବର୍ଷରୁ କମ ବର୍ଗର ବାଳକ ଓ ବାଳିକା ଫୁଟବଲ୍ ଖେଳାଳିଙ୍କ ବ୍ଲକ ସ୍ତରୀୟ ଚୟନ ଶିବିର ଅନୁଷ୍ଠିତ ହୋଇଯାଇଛି। ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ସଂଗୀତା ରାଣୀ ମିଶ୍ର ଆନୁଷ୍ଠାନିକ ଭାବେ ଏହାକୁ ଉଦଘାଟନ କରିଥିଲେ। ବରିଷ୍ଠ ଶିକ୍ଷକ ଟୁନା କର୍ଣ୍ଣ ସ୍ଵାଗତ ଅଭିଭାଷଣ ପ୍ରଦାନ କରିଥିବା ବେଳେ ବ୍ଲକ କ୍ରୀଡା ସମ୍ପାଦକ ଲବ ସାହୁ ବିବରଣୀ ପଠନ କରିଥିଲେ। ତିନୋଟି ସବ ଜୋନରୁ ଚୟନ ହୋଇ ସାରିଥିବା ବାଳକ ବାଳିକାମାନେ ଏହି ଚୟନ ଶିବିରରେ ଅଂଶଗ୍ରହଣ କରିଥିଲେ। ଏଥିରୁ ମନୋନୀତ ହୋଇଥିବା ବାଳକ ବାଳିକାମାନେ ଜିଲ୍ଲା ସ୍ତରୀୟ ଫୁଟବଲ୍ ଖେଳରେ ଅଂଶଗ୍ରହଣ କରିପାରିବେ ବୋଲି ଜଣାପଡିଛି। ପରେ ଏହାର ଉଦଯାପନୀରେ ବୁଗବୁଗାର ସରପଞ୍ଚ ଶେଷଦେବ ଛନ୍ଦ ଯୋଗଦେଇ ଏହାକୁ ଉଦଯାପିତ କରିଥିଲେ। ଏହି ଶିବିରରେ ଲହଣ୍ଡା ଉଚ୍ଚ ବିଦ୍ୟାଳୟର ଖେଳ ଶିକ୍ଷକ କିଶୋର ପ୍ରଧାନ ତଥା ବ୍ଲକର ସମସ୍ତ ଖେଳ ଶିକ୍ଷକଶିକ୍ଷୟିତ୍ରୀ ବିଦ୍ୟାଳୟ ପରିଚାଳନା କମିଟିର ସଭ୍ୟସଭ୍ୟା ଏଥିରେ ଯୋଗ ଦେଇ ପରିଚାଳନା ରେ ସହଯୋଗ କରିଥିଲେ। ଖେଳ ଶିକ୍ଷକ ସଦାନନ୍ଦ ପ୍ରଧାନ ଧନ୍ୟବାଦ୍ ଅର୍ପଣ କରିଥିଲେ।
Popular Categories
Previous article
Next article