ରେଙ୍ଗାଲିକେମ୍ପ: ସମ୍ବଲପୁର-ବରଗଡ଼ ୫୩ ନଂ ଜାତୀୟ ରାଜପଥରେ ଶୁକ୍ରବାର ଦିନ ପ୍ରାୟ ଗୋଟାଏ ବେଳେ ବାଇକ୍ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ଘଟିଛି।ପୁଲିସ ସୂତ୍ରରୁ ଜଣାପଡ଼ିଛି ଯେ, ଯୁବକ ଜଣକ ରାୟପୁରର ଖାମତରାଇ ସ୍ଥିତ ଏମ୍ ସଞ୍ଜୀବ ରାଓଙ୍କ ପୁଅ ଏମ୍ ସୁରେଶ କୁମାର (୨୬)। ମୃତ ସୁରେଶ ବରଗଡ଼ର ଭିଆରଏଲ୍ ଟ୍ରାନ୍ସପୋର୍ଟରେ କିରାଣୀ ଭାବରେ କାମ କରୁଥିଲେ। ଆଜି ସକାଳ ୧୦ଟାରେ ସମ୍ବଲପୁର ଭିଆରଏଲକୁ କୌଣସି କାମ ପାଇଁ ଯାଇଥିଲେ । ଫେରିବା ବେଳେ ଅତାବିରା ବ୍ଲକ ସରଣ୍ଡା ସ୍ଥିତ ରାଜପୁତ ଢ଼ାବା ସମ୍ମୁଖରେ ଭାରସାମ୍ୟ ହରାଇ ଛିଟିକି ପଡ଼ିଥିଲେ। ଫଳରେ ମୁଣ୍ଡରେ ଆଘାତ ଲାଗି ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ଏହି ଖବର ପାଇ ଅତାବିରା ଥାନା ଅଧିକାରୀ ଅନିଲ କୁମାର ପ୍ରଧାନ, ଇନ୍ସପେକ୍ଟର ଅନିମା ଏକା, ଏଏସଆଇ ମହେନ୍ଦ୍ର ତାଣ୍ଡି ଓ ରାଜେନ୍ଦ୍ର ବେହେରା ଘଟଣା ସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ବାଇକ୍ ଆରୋହୀଙ୍କୁ ଅତାବିରା ଡାକ୍ତରଖାନାକୁ ଆଣିଥିଲେ। କିନ୍ତୁ ଡାକ୍ତର ସେଠାରୁ ତାଙ୍କୁ ମୃତ ଘୋଷଣା କରିଥିଲେ। ଏହାପରେ ପୁଲିସ ମୃତ ଯୁବକଙ୍କ ମୋବାଇଲ ଯୋଗେ ପରିବାର ବର୍ଗଙ୍କୁ ଓ ସମ୍ବଲପୁର ଭିଆରଏଲ କମ୍ପାନୀକୁ ଖବର ଦେଇଥିଲେ । ସମ୍ବଲପୁର ଭିଆରଏଲର ଦୁଇଜଣ କର୍ମଚାରୀ ପହଞ୍ଚି ମୃତ ଯୁବକଙ୍କୁ ବ୍ୟବଛେଦ ପାଇଁ ବରଗଡ଼ ଡାକ୍ତରଖାନାକୁ ନେଇଥିଲେ।
Comments are closed.