ରେଙ୍ଗାଲି : ସମ୍ବଲପୁର ଜିଲ୍ଲା ରେଙ୍ଗାଲି ପୁଲିସ ଜୁଆ ଆଡ୍ଡା ଉପରେ ଚଢ଼ଉ କରି ୪ ଜଣ ଅଭିଯୁକ୍ତଙ୍କୁ ଗିରଫ କରିଛି। ରେଙ୍ଗାଲି ଥାନା ଅନ୍ତର୍ଗତ ନିସାନଭଙ୍ଗା ଶ୍ମଶାନରେ ଜୁଆ ଖେଳ ଚାଲି ଥିବାର ପୁଲିସ ସୂଚନା ପାଇ ଚଢାଉ କରିଥିଲା। ପୁଲିସକୁ ଦେଖି ୪ ଜଣ ଫେରାର ହୋଇ ଯାଇଥିବା ବେଳେ ୪ ଜଣଙ୍କୁ ପୁଲିସ କାବୁ କରି ଗିରଫ କରିଛି। ଅଭିଯୁକ୍ତ ମାନେ ହେଲେ କତରବଗା ଥାନା ଅନ୍ତର୍ଗତ ଗୋଳମାଲ ଗ୍ରାମର ଲଳିତ କୁମାର ବିଶ୍ଵାଳ, ରେଙ୍ଗାଲି ଥାନା ଅନ୍ତର୍ଗତ ଜଗନ୍ନାଥ ପଡ଼ାର ବାବୁଲୁ ଦାସ, ଓରାମ ପଡ଼ାର ବିଜିଲା ଓରାମ ଓ ନିସାନଭଙ୍ଗା ଗ୍ରାମର ମୁରଲୀଧର ବିଶ୍ଵାଳ । ଅଭିଯୁକ୍ତ ମାନଙ୍କୁ କୋର୍ଟ ଚାଲାଣ କରାଯାଇଛି। ସେମାନଙ୍କ ପାଖରୁ ପୁଲିସ ନଗଦ ୧୦ହଜାର ୩ଶହ ଟଙ୍କା, ତାସ୍ ଓ ବାଇକ୍ ଜବତ କରାଯାଇଛି।
Comments are closed.