ରେଙ୍ଗାଲି : ହିନ୍ଦୁ ଧର୍ମରେ ଗାଈଗୋରୁଙ୍କୁ ପୂଜା କରାଯାଇ ଗାଈକୁ ଗୋମାତାର ଆଖ୍ୟା ଦିଆଯାଇଛି। ଗୋ ସୁରକ୍ଷା ପାଇଁ ଅନେକ ସଙ୍ଗଠନ କାମ କରୁଛନ୍ତି। ତେବେ ବିଡମ୍ବନାର ବିଷୟ ମଣିଷ ଗୋ ସମ୍ପଦର ରକ୍ଷଣାବେକ୍ଷଣ ଯତ୍ନ ନେବାରେ ଆଦୌ ଗୁରୁତ୍ବ ଦେଉନାହିଁ। ଗାଈଗୋରୁଙ୍କୁ ବାରବୁଲା କରି ଛାଡି ଦିଆଯାଉଛି। ରାଜରାସ୍ତା, ବସଷ୍ଟାଣ୍ଡ ପରିତ୍ୟକ୍ତ ଘର,ବାରଣ୍ଡାରେ ଗାଈଗୋରୁ ଗୋଠ ମାଡି ବିଶ୍ରାମ ନେଉଥିବାର ଦେଖିବାକୁ ମିଳୁଛି। ଗାଈ ଖିର ଦେଉଥିବା ପର୍ୟ୍ୟନ୍ତ ମାଳିକ ଗାଈ ବାଛୁରୀକୁ ଗୁହାଳରେ ବାନ୍ଧି ରଖୁଛି। ଖିର ଦେବା ବନ୍ଦ ହୋଇ ଗଲେ ଗାଈ ବାଛୁରୀ ବାରବୁଲା ହୋଇ ଘୁରି ବୁଳୁଛନ୍ତି। ବଳଦ ମାନଙ୍କ ସମାନ ଅବସ୍ଥା ,ଜମିରେ ହଳ କରିବା ଥିବା ଯାଏ ବଳଦ ଗୁହାଳରେ ବନ୍ଧା ହୋଇ ରହୁଛନ୍ତି। ଅନ୍ୟ ସମୟରେ ବଳଦ ବାରବୁଲା। ଶିଳ୍ପାଞ୍ଚଳରେ କଳକାରଖାନା ପ୍ରତିଷ୍ଠା ହେବା ଆଗରୁ ଯେଉଁଟା ଗୋରୁ ଗୁହାଳ ଥିଲା ତାହା ଏବେ ଚକାଚକ୍ ତିଆରି କରି ଭଡା ଘର ହୋଇ ଶିଳ୍ପାନୁଷ୍ଠାନର କର୍ମଚାରୀ ମାନଙ୍କ ଆଶ୍ରୟ ସ୍ଥଳ ପାଳଟିଛି। ଗାଁରୁ ସହର ଯାଏ ଗୋସମ୍ପଦର ଏଭଳି ଦୁର୍ଗତି ଦେଖିବାକୁ ମିଳୁଛି।
Popular Categories
Previous article
Next article