ରେଙ୍ଗାଲି: ରେଙ୍ଗାଲି ବ୍ଳକ ଲପଙ୍ଗା ଠାରେ ଥିବା ଆଦିତ୍ୟ ଆଲୁମିନିୟମ କମ୍ପାନୀର ଶାସନ ଥାନା ଅନ୍ତର୍ଗତ ପିତାପଲି ଠାରେ ଏକ ପମ୍ପହାଉସ ଅଛି। ପଧାନପାଲିରୁ ଉକ୍ତ ପମ୍ପହାଉସକୁ ୩୩ କେଭି ଲାଇନ ଯିବା ପାଇଁ ବିଦ୍ୟୁତ ଖୁଣ୍ଟ ପୋତା ଯାଇଥିଲା। ଖୁଣ୍ଟ ପୋତିବା କାମ ଶୁଭମ୍ ଏଣ୍ଟରପ୍ରାଇଜେସ୍ ଏକ ଠିକା ସଂସ୍ଥାକୁ ଦିଆଯାଇଛି। ଗତ କିଛିଦିନ ହେବ କେତେକ ଚୋର ରାତି ଅଧରେ ଆସି ବିଦ୍ୟୁତ ଖୁଣ୍ଟ ଗୁଡିକ କାଟି ପ୍ରାୟ ୨୨ଟି ପୋଲ ଚୋରି କରି ନେଇଥିଲେ। ଚୋରମାନଙ୍କୁ ଧରିବାକୁ କମ୍ପାନୀ ସୁରକ୍ଷା କର୍ମୀମାନେ ରାତିସାରା ଜଗି ରହି ନିରୀକ୍ଷଣ କରୁଥିବା ସମୟରେ ଏକ ଟେମ୍ପୋରେ ଚୋରମାନେ ଆସି ଚୋରି କଲା ସମୟରେ ଘିଚାମୁରାର ସୁମନ୍ତ କିଷାନ ଓ ଜନ୍ମ କିଷାନ ସୁରକ୍ଷା କର୍ମୀ ହାତରେ ଧରା ପଡ଼ିଥିଲେ। ସେମାନଙ୍କ ସହିତ ଅନ୍ୟ କେତେଜଣ ଫେରାର୍ ହୋଇଯାଇଥିଲେ। ତାଙ୍କ ପାଖରୁ ଗ୍ୟାସ କଟର, ସିଲିଣ୍ଡର ଆଦି ଧରାପଡିଛି। ଶାସନ ପୋଲିସ ଏକ ଚୋରି ମାମଲା ରୁଜ୍ଜୁ କରି ଅନ୍ୟ ଚୋରମାନଙ୍କୁ ଧରିବା ପାଇଁ ତନାଘନା ଜାରି ରଖିଛି।
Popular Categories
Previous article
Next article