ରେଙ୍ଗାଲିକ୍ୟାମ୍ପ – ଅନେକ ଦିନ ହେଲା ଅପହଞ୍ଚ ଗ୍ରାମ, ମଫସଲି ଅଞ୍ଚଳରେ ପୋଲିସର ଦୃଷ୍ଟିଅଢ଼ୁଆଳରେ ଘୁଡ଼ୁଘୁଡୁ ପଟି ଖେଳ ଚାଲି ଆସୁଥିଲା । କୌଣସି ବିଶ୍ୱସ୍ଥ ସୁତ୍ରରୁ ଖବର ପାଇ ଅତାବିରା ପୋଲିସ ସ୍ବତନ୍ତ୍ର ଦଳ ଗଠନ କରି ଏମାନଙ୍କୁ ଧରିବା ପାଇଁ ଯୋଜନା ପ୍ରସ୍ତୁତ କରିଥିଲା ।
ଅତାବିରା ବ୍ଲକ ଖରମୁଣ୍ଡା ପଞ୍ଚାୟତ ର ଜୁଜୁଗାଁ ଠାରେ ଏହି ଖେଳ ଚାଲୁଥିବା ବେଳେ ଛଦ୍ମ ବେଶରେ ପୋଲିସ ପହଞ୍ଚି ପ୍ରଥମେ ଖେଳିବା ବାହାନାରେ ତାଙ୍କର ସବୁ କିଛି ନିରୀକ୍ଷଣ କରିବା ପରେ ଦଳକୁ ସୂଚନା ଦେଇଥିଲେ । ପୋଲିସ ଦଳ ପହଞ୍ଚିବା ପରେ ସମସ୍ତେ ଦୌଡ଼ି ପଳେଇବାର ଉଦ୍ୟମ କରିଥିଲେ । କିନ୍ତୁ ସମସ୍ତେ ପୋଲିସ ହାତରେ ଧରାପଡ଼ି ଗିରଫ ହୋଇଛନ୍ତି ।
ଏହି ଘୁଡୂଘୁଡୁ ପଟି ଖେଳ ଖେଳାଉ ଥିବା ଅଭିଯୁକ୍ତ ମାନେ ହେଲେ ଅତାବିରା ଥାନା କାଠଡେରା ର ଶଙ୍କର ଚୌଧୁରୀ (୪୬), ଚୂଳଧର ର ସୁରେଶ ବାଗ(୪୦),ଖରମୁଣ୍ଡା ର ବଳରାମ ବାରିକ୍ (୪୨), ବେଲବାହାଳି ର ଲରେନ୍ସ ଆଇନ୍ଦ (୩୫),ବରଗଡ଼ ଟାଉନ ଥାନାର ବନ୍ଦା ଗ୍ରାମର ଡାକ୍ତର ଭେଶ୍ରା(୩୫) ଓ ବୁର୍ଲ୍ଲl ଥାନା କଳାମାଟି ଗ୍ରାମର ଅରୁଣ କୁମାର ଦେବତା (୪୧)। ଏମାନଙ୍କୁ ଗିରଫ କରିବା ସହ ଏମାନେ ବ୍ୟବହାର କରୁଥିବା ଓଡି ୧୭ ଏସ ୬୮୩୮ ନଂ ର ଏକ ହିରୋ ଗ୍ଲାମର ବାଇକ୍ ,ଦୁଇଟି ମୋବାଇଲ ଫୋନ, ନଗଦ ୪୧୬୦୦ ଟଙ୍କା ,ଏକ ଘୁଡୁଘୁଦୁ ପଟି , ଛଅଟି ଡାଇସ ଓ ଗୋଟିଏ ବାଉଁଶ ତିଆରି ଟୋକେଇ ଜବତ କରିଛି।
Comments are closed.