ନୂଆଦିଲ୍ଲୀ : ଅଯୋଧ୍ୟାରେ ଶ୍ରୀରାମ ମନ୍ଦିର ପ୍ରାଣ ପ୍ରତିଷ୍ଠା ଉତ୍ସବ ଲାଗି ଆରମ୍ଭ ହେବ ଧାର୍ମିକ ରୀତିନୀତି। ଏଥିଲାଗି ସମସ୍ତ ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି। ମଙ୍ଗଳବାର ପ୍ରାୟଶ୍ଚିତ ଏବଂ କର୍ମକୂଟି ପୂଜନ କାର୍ଯ୍ୟକ୍ରମ ରହିଛି । ସେହିପରି ବୁଧବାର ଭବ୍ୟ ମୂର୍ତ୍ତି ପରିସର ପ୍ରବେଶ ହେବ । ଜାନୁଆରୀ ୧୮ ତାରିଖ ସନ୍ଧ୍ୟାରେ ତୀର୍ଥ ପୂଜନ, ଜଳଯାତ୍ରା , ଜଳାଧିବାସ ଏବଂ ଗନ୍ଧାଧିବାସ ରୀତିନୀତି ରହିଛି। ଜାନୁଆରୀ ୧୯ ତାରିଖ ସକାଳେ ଓୗଷାଧିବାସ , କେଶରାଧିବାସ , ଘୃତାଧିବାସ ଏବଂ ସନ୍ଧ୍ୟାରେ ଧ୍ୟାନାଧିବାସ ନୀତି ରହିଛି ।
ସେହିପରି ଜାନୁଆରୀ ୨୦ ତାରିଖ ସକାଳେ ଶର୍କରାଧିବାସ, ଫଳାଧିବାସ ଏବଂ ପୁଷ୍ପାଧିବାସ ରହିଛି। ୨୧ ତାରିଖ ସକାଳେ ମଧ୍ୟାଧିବାସ ଓ ସନ୍ଧ୍ୟାରେ ଶର୍ଯ୍ୟାଧିବାସ ରହିଛି। ୧୮ ତାରଖରେ ଦେଢ ଶହରୁ ୨୦୦ କିଲୋଗ୍ରାମ୍ ଓଜନର ରାମଲାଲାଙ୍କ ବିଗ୍ରହକୁ ଗର୍ଭଗୃହରେ ସ୍ଥାପନ କରାଯିବ । ୨୨ରେ ରାମ ମନ୍ଦିର ପ୍ରାଣ ପ୍ରତିଷ୍ଠା ଉତ୍ସବ ଅନୁଷ୍ଠିତ ହେବ । ଏହାର ୫ଦିନ ପୂର୍ବରୁ ମଙ୍ଗଳବାରଠାରୁ ବିଭିନ୍ନ ଧାର୍ମିକ ରୀତିନୀତି ଆରମ୍ଭ ହେଉଛି।
