ମୁମ୍ବଇ : କର୍ଣ୍ଣାଟକରେ କଂଗ୍ରେସ-ଜେଡିଏସ ମେଣ୍ଟ ସରକାର ସଂକଟରେ ପଡିଛି। ଦୁଇ ଦଳର ପ୍ରାୟ ୧୪ ବିଧାୟକ ପଦରୁ ଇସ୍ତଫା ଦେଇଛନ୍ତି। ହେଲେ ବାଚସ୍ପତି ଏପର୍ଯ୍ୟନ୍ତ ସେମାନଙ୍କ ଇସ୍ତଫାକୁ ଗ୍ରହଣ କରିନାହାନ୍ତି। ଏବେ ଉଭୟ ଦଳ ମଧ୍ୟରେ ଅଭିଯୋଗ ଓ ପ୍ରତିଅଭିଯୋଗ ଯୁଦ୍ଧ ଆରମ୍ଭ ହୋଇଛି। ଏହା ମଧ୍ୟରେ ଇସ୍ତଫା ଦେଇଥିବା ବିଧାୟକଙ୍କ ମଧ୍ୟରୁ ୧୦ ଜଣ ରାତି ପ୍ରାୟ ୮ଟା ବେଳେ ବେଙ୍ଗାଲୁରୁରୁ ବିମାନ ଯୋଗେ ଆସି ମୁମ୍ବଇରେ ପହଞ୍ଚିଛନ୍ତି। ତେବେ କଂଗ୍ରେସର ୩ ବିଧାୟକ ଏବେ ବି ବେଙ୍ଗଲୁରୁରେ ଅଛନ୍ତି।
କଂଗ୍ରେସର ଆଉ କେତେକ ବିଦ୍ରୋହୀ ବିଧାୟକ ଗୋଆ ପଳାଇଥିବା ସୂଚନା ମିଳିଛି। ବେଙ୍ଗାଲୁରୁରେ ଓ ନୂଆଦିଲ୍ଲୀଠାରେ କଂଗ୍ରେସ ଜରୁରୀ ବୈଠକ ଡାକି ବିଚାରମବିମର୍ଶ କରିଛି। ଏହା ମଧ୍ୟରେ ୩ରୁ ୪ ଥର ନେତାଙ୍କ ମଧ୍ୟରେ ବୈଠକ ହୋଇସାରିଥିବା ସୂଚନା ମିଳିଛି। ଏହି ସଂକଟ ପାଇଁ କଂଗ୍ରେସ ମୁଖପାତ୍ର ରଣଦୀପ ସୂର୍ଯ୍ୟେୱାଲ ବିଜେପିକୁ ଦାୟୀ କରିଛନ୍ତି। ଇସ୍ତଫା ଦେଇଥିବା ବିଧାୟକମାନେ ନିଜ ନିଷ୍ପତ୍ତି ଉପରେ ପୁନର୍ବିଚାର କରିବେ ଓ ଦଳକୁ ଫେରିବେ ବୋଲି ମଲ୍ଲିକାର୍ଜୁନ ଖଡଗେ କହିଛନ୍ତି। ସଂକଟ ଦୂର କରିବା ପାଇଁ କଂଗ୍ରେସ ନେତା ଭେଣୁଗୋପାଳ ଆସି ବେଙ୍ଗାଲୁରୁରେ ପହଞ୍ଚିଛନ୍ତି।
