ନୂଆଦିଲ୍ଲୀ : ନଗଦବିଶିଷ୍ଟ ଅର୍ଥନୀତିରେ ଦୃଷ୍ଟିହୀନମାନେ କିଭଳି ନୋଟ୍ ଚିହ୍ନିବେ, ତାହା ସରକାରଙ୍କ ପାଇଁ ଚିନ୍ତାର ବିଷୟ । ୧୦୦ ଟଙ୍କା କିମ୍ବା ତାଠାରୁ ଅଧିକ ମୂଲ୍ୟର ନୋଟ୍ରେ ଇନ୍ଟ୍ୟାଗ୍ଲିଓ ପ୍ରିଣ୍ଟିଂ ଭିତ୍ତିକ ଚିହ୍ନଟ କରିବାର ସଙ୍କେତ ରହିଛି । ୨୦୧୬ ନଭେମ୍ବର ପରଠାରୁ ବଡ଼ ମୂଲ୍ୟର ବ୍ୟାଙ୍କ ନୋଟ୍ ଆସିବା ପରେ ଏହାକୁ ଚିହ୍ନଟ କରିବା ଏବେ ଦୃଷ୍ଟିହୀନଙ୍କ ପାଇଁ ସମସ୍ୟା ହୋଇଛି । ଏଭଳି ସ୍ଥଳେ ଭାରତୀୟ ରିଜର୍ଭ ବ୍ୟାଙ୍କ ଦୃଷ୍ଟିହୀନଙ୍କ ପାଇଁ ନୋଟ୍ ଚିହ୍ନିବା ଲାଗି ମୋବାଇଲ ଆପ୍ ଆଣିବାକୁ ଯୋଜନା କରିଛି । ଏହି ଆପ୍ର ବିକାଶ ନିମନ୍ତେ କେନ୍ଦ୍ରୀୟ ବ୍ୟାଙ୍କ ଜଣେ ଭେଣ୍ଡର ଅନୁସନ୍ଧାନରେ ରହିଛି । ପ୍ରସ୍ତାବିତ ଆପ୍ ମହାତ୍ମା ଗାନ୍ଧୀ ସିରିଜ୍, ନୂଆ ମହାତ୍ମାଗାନ୍ଧୀ ସିରିଜ୍ ନୋଟ୍କୁ ଚିହ୍ନଟ କରିପାରିବ । ଏଥିରେ ଦୃଷ୍ଟିହୀନ ମୋବାଇଲର ସମ୍ମୁଖ କ୍ୟାମେରାରେ ନୋଟ୍ ଛବି ନେଇ ନୋଟ୍କୁ ଚିହ୍ନିବେ । ଆର୍ବିଆଇ ପକ୍ଷରୁ ଟେକ୍ନୋଲୋଜି କମ୍ପାନୀଗୁଡିକ ନିକଟରୁ ଆପ୍ର ବିକାଶ ନେଇ ଟେଣ୍ଡର ଆହ୍ବାନ ହୋଇଛି। ଯଦି ନୋଟ୍ର ଛବି ସଠିକ୍ ଭାବେ ନିଆଯାଇ ଥାଏ, ତା’ହେଲେ ଏହା କେତେ ଟଙ୍କାର ନୋଟ୍, ସେନେଇ ବ୍ୟବହାରକାରୀଙ୍କ ନିକଟକୁ ଅଡିଓ ସୂଚନା ଯିବ। ଛବିଟିକୁ କ୍ୟାମେରା ଭଲ ଭାବେ ନେଇ ପାରୁ ନ ଥିଲେ ବ୍ୟବହାରକାରୀଙ୍କ ନିକଟକୁ ପୁନର୍ବାର ଚେଷ୍ଟ କରିବାକୁ ସୂଚନା ଯିବ ।
Comments are closed.