ସମାଜ ଡିଜିଟାଲ ଡେସ୍କ: ଭାରତୀୟ ରିଜର୍ଭ ବ୍ୟାଙ୍କ PhonePe, Paytm, Zomato, Amazon Pay ସମେତ ୩୨ଟି ପେମେଣ୍ଟ ଏଗ୍ରିଗେଟରଙ୍କ ପାଇଁ ନୂତନ ନିର୍ଦ୍ଦେଶାବଳୀ ଜାରି କରିଛି । ପେମେଣ୍ଟ ଏଗ୍ରିଗେଟରମାନଙ୍କୁ ନିୟନ୍ତ୍ରଣ କରିବା ପାଇଁ ନିର୍ଦ୍ଦେଶାବଳୀ ଜାରି କରାଯାଇଛି । ଯାହାକୁ ତୁରନ୍ତ କାର୍ଯ୍ୟକାରୀ କରାଯାଇଛି । ଲାଇସେନ୍ସକୁ ବାଧ୍ୟତାମୂଳକ କରିବା ସମେତ ୬ଟି ନିୟମରେ ପରିବର୍ତ୍ତନ କରାଯାଇଛି । ଯାହାକୁ ପାଳନ କରିବା ମଧ୍ୟ ବାଧ୍ୟତାମୂଳକ ହୋଇଛି । ଯଦି ନିର୍ଦ୍ଦେଶାବଳୀ ପାଳନ ନକରାଯାଏ, ତେବେ କମ୍ପାନୀଗୁଡିକୁ କାର୍ଯ୍ୟାନୁଷ୍ଠାନ ଏବଂ ପରିଣାମ ବିଷୟରେ ମଧ୍ୟ ଚେତାବନୀ ଦିଆଯାଇଛି ।
ଭାରତୀୟ ରିଜର୍ଭ ବ୍ୟାଙ୍କର ନିର୍ଦ୍ଦେଶ ଅନୁଯାୟୀ, ପେମେଣ୍ଟ ଏଗ୍ରିଗେଟରମାନଙ୍କୁ ସେମାନଙ୍କ କାର୍ଯ୍ୟ ଆଧାରରେ ୩ଟି ବର୍ଗରେ ବିଭକ୍ତ କରାଯାଇଛି । ଫିଜିକାଲ ପିଏ ପାଇଁ ପିଏ-ପି, କ୍ରସ୍ ବୋର୍ଡ ପିଏ ପାଇଁ ପିଏ-ସିବି, ଅନଲାଇନ୍ ପିଏ ପାଇଁ ପିଏ-ଓ ଅନ୍ତର୍ଭୁକ୍ତ । ପିଏ ବ୍ୟବସାୟ ପାଇଁ କୌଣସି ବ୍ୟାଙ୍କକୁ ଅନୁମୋଦନ ଆବଶ୍ୟକ ନାହିଁ, କିନ୍ତୁ ଆରବିଆଇ ଅଣ-ବ୍ୟାଙ୍କ ପାଇଁ ନିୟମ ସ୍ଥିର କରିଛି । ଆରବିଆଇର ଏହି ଦୂତନ ନିର୍ଦ୍ଦେଶ ଏପରି ସମୟରେ ଆସିଛି ଯେତେବେଳେ ଦେଶରେ ଡିଜିଟାଲ କାରବାର ଦ୍ରୁତ ଗତିରେ ବୃଦ୍ଧି ପାଉଛି ।
ଆର୍ଥିକ ସୁରକ୍ଷା ଏବଂ ସାଇବର ସୁରକ୍ଷା ସୁନିଶ୍ଚିତ କରିବା ପାଇଁ ରିଜର୍ଭ ବ୍ୟାଙ୍କ ସତର୍କତା ଉପରେ ଧ୍ୟାନ ଦେଇଛି । ଆଜିକାଲି ଅନଲାଇନ କାରବାର ବହୁତ ବଢିଥିବାରୁ ଲୋକମାନେ ସାଇବର ଏବଂ ଅନଲାଇନ ଠକେଇର ଶିକାର ମଧ୍ୟ ହେଉଛନ୍ତି । ତେଣୁ ଭାରତୀୟ ରିଜର୍ଭ ବ୍ୟାଙ୍କ ପେମେଣ୍ଟ ଏଗ୍ରିଗେଟରଙ୍କ ପାଇଁ ଲାଇସେନ୍ସକୁ ବାଧ୍ୟତାମୂଳକ କରିଛି । ଏହା ବିନା, କୌଣସି କମ୍ପାନୀ କାରବାର ସେବା ପ୍ରଦାନ କରିପାରିବ ନାହିଁ । ଯଦି ନିୟମ ଏବଂ ନିର୍ଦ୍ଦେଶର ଉଲ୍ଲଘଂନ କରାଯାଏ ତେବେ କମ୍ପାନୀ ଏବଂ ଏହାର ସେବା ବନ୍ଦ ହୋଇଯିବ ।
