ନୂଆଦିଲ୍ଲୀ : ବହୁକୋଟି ଟଙ୍କାର ବ୍ୟାଙ୍କ ଦୁର୍ନୀତି ଘଟଣାରେ ପ୍ରଭାବିତ ପଞ୍ଜାବ ନ୍ୟାସନାଲ ବ୍ୟାଙ୍କ (ପିଏନ୍ବି) ସମ୍ପର୍କରେ କରାଯାଇଥିବା ତଦନ୍ତ ରିପୋର୍ଟର ନକଲ ଦେବାକୁ ଭାରତୀୟ ରିଜର୍ଭ ବ୍ୟାଙ୍କ (ଆର୍ବିଆଇ) ମନା କରିଦେଇଛି। ଏ ସମ୍ପର୍କରେ ସବିଶେଷ ତଥ୍ୟ ଦିଆଯିବା ଦ୍ୱାରା ତଦନ୍ତ ପ୍ରକ୍ରିୟା ବାଧାପ୍ରାପ୍ତ ହେବାକୁ ଥିବାରୁ ଏଜେନ୍ସି ଏହି ରିପୋର୍ଟ ଦେବାକୁ ମନା କରିଦେଇଥିବା ସୂଚନା ଅଧିକାର (ଆର୍ଟିଆଇ)ରେ ମଗାଯାଇଥିବା ଏକ ତଥ୍ୟରୁ ଏହା ଜଣାଯାଇଛି। ୧୩,୦୦୦ କୋଟି ଟଙ୍କାରୁ ଅଧିକ ମୂଲ୍ୟର ଏହି ଦୁର୍ନୀତିର ତଦନ୍ତରୁ ମିଳିଥିବା ରିପୋର୍ଟ ସମ୍ପର୍କରେ କିଛି ତଥ୍ୟ ନ ଥିବା ଆର୍ବିଆଇ କହିଛି। ଦେଶର ସବୁଠାରୁ ବଡ ଦୁର୍ନୀତି କୁହାଯାଉଥିବା ଏହି ବ୍ୟାଙ୍କ ଠକେଇ ଘଟଣା ସମ୍ପର୍କରେ ଚଳିତବର୍ଷ ପ୍ରାରମ୍ଭରେ ଜଣାପଡିଥିଲା।
ହୀରା ବ୍ୟବସାୟୀ ନିରବ ମୋଦି ଏବଂ ତାଙ୍କ ମାମୁ ଏହି ଠକେଇ ରଚିଥିଲେ। ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ରିଜର୍ଭ ବ୍ୟାଙ୍କ ପକ୍ଷରୁ ଏହି ମାମଲାର ତଦନ୍ତ କରାଯାଇଥିଲା।
ତେବେ ଆର୍ଟିଆଇ ତଥ୍ୟରେ କେନ୍ଦ୍ରୀୟ ବ୍ୟାଙ୍କ ଦେଶରେ ବ୍ୟାଙ୍କଗୁଡିକର ଅଡିଟ୍ କରୁ ନ ଥିବା କଥା ସ୍ପଷ୍ଟ କରିଥିଲା। ଆର୍ବିଆଇ ବ୍ୟାଙ୍କଗୁଡିକର କାର୍ଯ୍ୟର ତଦାରଖ କରିଥାଏ।
ପିଏନ୍ବି ଦୁର୍ନୀତି : ତଦନ୍ତ ରିପୋର୍ଟ ନକଲ ଦେବାକୁ ମନାକଲା ରିଜର୍ଭ ବ୍ୟାଙ୍କ
Popular Categories
Previous article
Next article