ରାୟଗଡା : ରାୟଗଡା ଜିଲ୍ଲା କାଶୀପୁର ବ୍ଲକ ଟିକିରି ଥାନା ଅନ୍ତର୍ଗତ ଓଷାପଡା ଟାଉନସିଫ ଛକ ନିକଟରେ ଟ୍ରାକ୍ଟର,ବାଇକ ମୁହାଁମୁହିଁ ଧକ୍କାରେ ଜଣକର ମୃତ୍ୟୁ ହୋଇଥିବାବେଳେ ଅନ୍ୟ ଦୁଇଜଣ ଆହତ ହୋଇଛନ୍ତି। ଏହି ଦୁର୍ଘଟଣାରେ ଟିକିରି ହରିଜନସାହିର ବିଭିଷଣ ନାଏକଙ୍କ ଝିଅ ନନ୍ଦିନି ନାଏକ(୧୨) ମୃତ୍ୟୁ ହୋଇଥିବା ବେଳେ ଧାର୍ମିକା ନାଏକ (୧୨) ଏବଂ ନସିବ ନାଏକ ଆହତ ହୋଇଛନ୍ତି। ମିଳିଥିବା ସୁଚନା ଅନୁଯାଇ ଶୁକ୍ରବାର ସନ୍ଧ୍ୟାରେ ନାସିବ ନାଏକ(ଓଡି ୧୦ଏଚ୍ ୩୯୩୯) ନମ୍ବର ବାଇକରେ ଦୁଇ ଝିଅଙ୍କୁ ବସାଇ ଟିକିରି ଠାରୁ ସେମିଳିଗୁଡା ଅଭିମୁଖେ ଯାଉଥିବା ସମୟରେ ବିପରିତ ଦିଗରୁ ଆସୁଥିବା ଏକ ଟ୍ରାକ୍ଟର(ନମ୍ବର ଓଡି ୧୦ ୧୫୨୧) ସହ ମୁହାଁ ମୁହିଁ ଧକା ହୋଇଥିଲା। ଫଳରେ ଘଟଣା ସ୍ଥଳରେ ନନ୍ଦିନି ନାଏକଙ୍କ ମୃତ୍ୟୁ ହୋଇଥିବା ବେଳେ ଦୁଇଜଣ ଆହତ ହୋଇଥିଲେ। ଆହତ ମାନଙ୍କୁ ଟୀକିରି ପୁଲିସ ଘଟଣା ସ୍ଥଳରେ ପହଞ୍ଚି ଉଦ୍ଧାର କରିବା ସହ ଟିକିରିରେ ପ୍ରାଥମିକ ଚିକିତ୍ସା କରିବା ପରେ କୋରାପୁଟ ମେଡିକାଲକୁ ସ୍ତାନାନ୍ତର କରାଯାଇଥିଲା। ଏନେଇ ମୃତକଙ୍କ ପରିବାରକୁ କ୍ଷତି ପୂରଣ ଦାବିରେ ସ୍ଥାନିୟ ଅଞ୍ଚଳର ଲୋକମାନେ ଘଟଣା ସ୍ଥଳରେ ରାସ୍ତା ରୋକ କରିଥିଲେ। ଟିକିରି ପୁଲିସ ଘଟଣା ସ୍ତଳରେ ପହଞ୍ଚି ଲୋକମାନଙ୍କୁ ବୁଝାସୁଝା କରିଥିଲା।
Popular Categories
Previous article
Next article