ପାଟଣା : ସାହାରପଡା ବ୍ଲକ ମୁଖ୍ୟାଳୟ ୨୨୦ ନମ୍ବର ଜାତୀୟ ରାଜପଥ କଡକୁ ଲାଗି ରହିଛି ରାଜସ୍ୱ ବଙ୍ଗଳା । ସାହାରପଡା ତହସିଲ ଘୋଷଣା ହେବାର ବହୁ ବର୍ଷ ପୂର୍ବରୁ ଉକ୍ତ ବଙ୍ଗଳାଟି ରହିଆସିଛି । ସାହାରପଡା ପୂର୍ବରୁ କେନ୍ଦୁଝର ତହସିଲ ସହିତ ମିଶିକି ରହିଥିଲା । ସେତେବେଳେ କେନ୍ଦୁଝରରୁ ତହସିଲଦାର କିମ୍ବା ରାଜସ୍ବ ବିଭାଗର ଉପରିସ୍ଥ କର୍ମଚାରୀମାନେ ସାହାରପଡା ଆସିଲେ ଏଠାରେ ରହିବା ସହିତ ଅସ୍ଥାୟୀ କାର୍ଯ୍ୟାଳୟ ଓ କ୍ୟାମ୍ପକୋର୍ଟ ଆଦି ଏଠାରେ ବସୁଥିଲା । ସାହାରପଡା ତହସିଲ ଘୋଷଣା ହେଵା ପରେ ପାଞ୍ଚ ବର୍ଷରୁ ଅଧିକ ସମୟ ଧରି ଏହି ବଙ୍ଗଳାରେ ତହସିଲ ଅଫିସ ଚାଲିଥିଲା ମାତ୍ର ଏବେ ଏହାର ଗୁରୁତ୍ୱ କମିଯାଇଛି । ଏଠାରେ ଜଣେ କର୍ମଚାରୀ ରହୁଥିଲେ ମଧ୍ୟ କେହି ନ ରହିଲା ପରି ଶ୍ରୀହୀନ ହୋଇଯାଇଛି । ରକ୍ଷଣା ବେକ୍ଷଣ ଅଭାବରୁ ଭାଙ୍ଗି ରୁଜି ଗଲାଣି । ଘର ଚାରିପଟେ ଲତାବୁଦାରେ ପରିପୂର୍ଣ୍ଣ ଜଙ୍ଗଲ ପରି ଦେଖାଯାଉଛି । ଏଠାରେ କିଛିଦିନ ପାଇଁ ଅଗ୍ନିଶମ ବିଭାଗର କାର୍ଯ୍ୟାଳୟ ମଧ୍ୟ ଚାଲିଥିଲା ସେତେବେଳେ ଏହାର ଚାରିପାଖ ସଫା ସୁତୁରା ହେଵା ସହିତ ଆକର୍ଷଣୀୟ ଦେଖାଯାଉଥିଲା । ରାଜସ୍ବ ବିଭାଗ ଉକ୍ତ ବଙ୍ଗଳାର ରକ୍ଷଣା ବେକ୍ଷଣା ପ୍ରତି ଦୃଷ୍ଟି ଦେବାକୁ ଦାବି ହେଉଛି ।
Comments are closed.