ମେଷ: ପଦ ମର୍ଯ୍ୟାଦର ଅଧିକାରୀ ହେବେ। ସୁଖୀ ହେବେ। ସମ୍ମାନିତ ହେବା ଆଶାକରାଯାଏ। ଆନୁଷ୍ଠାନିକ ଓ ସାଙ୍ଗଠନିକ କାର୍ଯ୍ୟର ନେତୃତ୍ୱ ନେଇ ପ୍ରଶଂସାର ପାତ୍ର ହେବେ। ପାରିବାରିକ ସମସ୍ୟାର ସମାଧାନ ହେବ। କାର୍ଯ୍ୟ ସଫଳ ହେବ।
ବୃଷ: ସତ୍କର୍ମରେ ନିଜକୁ ନିୟୋଜିତ କରିବେ। ପଡ଼ୋଶୀ ଓ ସହକର୍ମରୀଙ୍କ ସହିତ ସଦ୍ଭାବନା ରଖି ସମସ୍ତଙ୍କ ପ୍ରିୟ ପାତ୍ର ହେବେ। ଠାକୁରଙ୍କ ଦର୍ଶନ ଲାଭ କରିବାର ସୌଭାଗ୍ୟ ଅଛି। ବ୍ୟବସାୟ ଲାଭଜନକ ହେବ। ଆନନ୍ଦ ଉତ୍ସବ ଲାଗି ରହିବ।
ମିଥୁନ: ମାଙ୍ଗଳିକ ଉତ୍ସବରେ ଯୋଗଦାନ କରିପାରନ୍ତି। ଖର୍ଚ୍ଚ ପରିମାଣ ବୃଦ୍ଧି ପାଇବ। ପ୍ରଶାସନିକ କ୍ଷେତ୍ରରେ ଅପ୍ରିୟ ସତ୍ୟ କହି ବିରୋଧୀ ହୋଇପାରନ୍ତି। ଘାତଚନ୍ଦ୍ର ଓ ଅଷ୍ଟମ ଚନ୍ଦ୍ର ଏକତ୍ର ଭୋଗ ହେତୁ ସତର୍କରେ ଚଳିବାକୁ ପଡ଼ିବ।
କର୍କଟ: କାର୍ଯ୍ୟରେ ସଫଳତା ମିଳିବ। ଦେବ ପୂଜା ନିରତ ହୋଇପାରନ୍ତି। ଜିତେନ୍ଦ୍ରିୟ ହେବେ। ପୁତ୍ର ସୁଖ ମିଳିବ। ପ୍ରବଳ ପରାକ୍ରମୀ ହୋଇପାରନ୍ତି। ବିଖ୍ୟାତ କୀର୍ତ୍ତିର୍ ସ୍ଥାପନ କରି ଜନବଲ୍ଲଭ ଭାବେ ପରିଗଣିତ ହେବେ। ପ୍ରଚୁର ଅର୍ଥ ମିଳିବ।
ସିଂହ: ଲକ୍ଷ୍ୟ ହାସଲ କରିବା ବିଳମ୍ବିତ ହୋଇପାରେ। ସମସ୍ତ କାର୍ଯ୍ୟ ଜଗି ରଖି କରିବାକୁ ପଡ଼ିବ। ଚଞ୍ଚଳ ଚେଷ୍ଟିତ ହେବେ। ବହୁ ସୁଖର ଅଧିକାରୀ ହେବେ। ସାଧୁ, ସନ୍ନ୍ୟାସୀଙ୍କ କୃପାରୁ ପ୍ରଭୂତ ବିଦ୍ୟାପ୍ରାପ୍ତ ହୋଇପାରନ୍ତି।
କନ୍ୟା: ଅର୍ଥପ୍ରାପ୍ତିର ସୂଚନା ମିଳୁଛି। ଦ୍ରବ୍ୟ ଲାଭ ଯୋଗୁଁ ସନ୍ତୁଷ୍ଟ ହେବେ। ହସଖୁସିରେ ଦିନଟି ଅତିବାହିତ କରିପାରନ୍ତି। ଉଚ୍ଚକର୍ମରେ ସଂପୃକ୍ତି ଆସିବ। ମିତ୍ରତା ବୃଦ୍ଧି ପାଇଁ ସାଙ୍ଗଠନିକ କାର୍ଯ୍ୟର ନେତୃତ୍ୱ ନେଇପାରନ୍ତି।
ତୁଳା: ଉତ୍ସାହିତ ହୋଇ କାର୍ଯ୍ୟ ସଂପାଦନ କରିବେ। ଶତ୍ରୁନାଶ କରି ଆଶ୍ୱସ୍ତ ହେବେ। ଅର୍ଥ ସଞ୍ଚୟ କରିପାରନ୍ତି। ଯାନବାହନ ସୁଖ ମିଳିବ। ପୁଷ୍ଟି ଲାଭରୁ ସୁଯୋଗ ଅଛି। ଶାସ୍ତ୍ର ପଟୁ ହେବେ। ସୁବର୍ଣ୍ଣ ସଂପଦ ମିଳିପାରେ। ପାଣ୍ଡିତ୍ୟର ପରିପ୍ରକାଶ ଘଟିବ।
ବିଛା: ଗୃହ କାର୍ଯ୍ୟରେ ବ୍ୟସ୍ତ ରହିପାରନ୍ତି। ଉଚ୍ଚ ସମ୍ମାନ ଲାଭ କରିବେ। କର୍ମରେ ଉତ୍ସାହ ବୃଦ୍ଧି ପାଇବ। ଗୁରୁଜନଙ୍କଠାରୁ ସ୍ନେହ, ଆଦର ଓ ସମ୍ମାନ ପାଇ ଖୁସି ହୋଇପାରନ୍ତି। ମନୋରଞ୍ଜନ କାର୍ଯ୍ୟରେ ନିଜକୁ ସାମିଲ କରିପାରନ୍ତି। ଆତ୍ମସନ୍ତୋଷ ମିଳିବ।
ଧନୁ: କାର୍ଯ୍ୟ ହାସଲ କରିବା ପାଇଁ ଅପେକ୍ଷା କରିବାକୁ ପଡ଼ିବ। ସୁସ୍ଥ ଓ ନିରାମୟ ରହିବେ। ଆର୍ଥିକ କ୍ଷେତ୍ର ସମୃଦ୍ଧ ହେବ। କର୍ମରେ ସଫଳତା ମିଳିବ। ଅନେକ ସମସ୍ୟାର ସମ୍ମୁଖୀନ ହୋଇ ମନ ଭାରାକ୍ରାନ୍ତ ହୋଇପାରେ। ସାମର୍ଥ୍ୟ ଓ ସତ୍କର୍ମର ପରିପ୍ରକାଶ ହେବ।
ମକର: ପରର ଉପକାର କରିପାରନ୍ତି। ନିଜେ କ୍ଷତିଗ୍ରସ୍ତ ହେବାର ସମ୍ଭାବନା ଅଛି। ସୁଖ ସମ୍ମାନ ଲାଭ କରିପାରନ୍ତି। ବସ୍ତ୍ର ଭୂଷଣ ଲାଭ ହୋଇପାରେ। ଲୋକଙ୍କ ଶ୍ରଦ୍ଧାଭାଜନ ହେବେ। ହର୍ଷ ଉଲ୍ଲାସରେ ରହିବେ। ଧର୍ମ-କର୍ମ ସମ୍ପାଦନ କରିପାରନ୍ତି।
କୁମ୍ଭ: ଅର୍ଥ ପ୍ରାପ୍ତିର ସୂଚନା ମିଳୁଛି। ଖର୍ଚ୍ଚାନ୍ତ ହୋଇପାରନ୍ତି। ଶାସ୍ତ୍ରଜ୍ଞତା ହେବେ। ମନ୍ତ୍ରଣା ଶକ୍ତିଯୁକ୍ତ ହେବେ। ଅତିଥି, ଗୁରୁ ଓ ଦେବପୂଜା ନିରତ ହୋଇପାରନ୍ତି। ତୀର୍ଥଯାତ୍ରାଦି କାର୍ଯ୍ୟରେ ଧନବ୍ୟୟ କରିପାରନ୍ତି। ହଟଯୁକ୍ତ ଓ କ୍ରୋଧହୀନ ହେବେ।
ମୀନ: ସୁଖୀ ହେବେ। ସମ୍ମାନିତ ହେବେ। ଯାନ ବାହନ ସୁଖ ମିଳିବ। କୀର୍ତ୍ତିମାନ ହେବେ। ଆନନ୍ଦ ଉପଭୋଗ କରିବେ। ଅପାର ଗୁଣର ଅଧିକାରୀ ହୋଇପାରନ୍ତି। ପ୍ରସନ୍ନତା ଲାଭ କରିବେ। ସରକାରୀ ସ୍ତରରୁ ସମ୍ମାନ ଓ ଧନ ସବୁକିଛି ମିଳିବ।