ରଣପୁରଗଡ଼: ଦ୍ୱିତୀୟ ଶ୍ରୀକ୍ଷେତ୍ର କୁହାଯାଉଥିବା ରଣପୁର ଘୋଷଯାତ୍ରାରେ ବଡ଼ ଏକାଦଶୀ ଦିନ ରାଜ ରାଜୁଡା ଅମଳରୁ ସୁନାବେଶ ପରିବର୍ତ୍ତେ ରୂପାବେଶ ହୋଇ ଆସୁଛନ୍ତି ମହାବାହୁ। ତେଣୁ ଚଳିତବର୍ଷ ବଡ଼ ଏକାଦଶୀ ସକାଳୁ ତାଳଧ୍ବଜ, ଦେବଦଳନ ଓ ନନ୍ଦିଘୋଷ ରଥ ଶୋଧ କରାଯାଇଥିଲା। ପରେ ପରେ ଅବକାଶ ବଲ୍ଲଭ ହୋଇ ମହାପ୍ରଭୁ ଜଗନ୍ନାଥ, ବଳଭଦ୍ର ଓ ସୁଭଦ୍ରାଙ୍କୁ ସୁନା ପରିବର୍ତ୍ତେ ରୂପାବେଶରେ ସୁସଜ୍ଜିତ କରାଯାଇଛି। ସୁରକ୍ଷା ଦୃଷ୍ଟିରୁ ରଥ ଚାରିପାଖରେ ପୁଲିସ ମୁତୟନ କରାଯାଇଛି। ହଜାର ହଜାର ସଂଖ୍ୟକ ଭକ୍ତମାନେ ଦର୍ଶନ ପାଇଁ ଆଗେଇ ଆସୁଥିବାବେଳେ ଲଘୁଚାପ ଜନିତଲଗାଣ ବର୍ଷା ବାଧକ ସାଜିଛି। ଦେବୋତ୍ତର ଅଧିକାରୀ ତଥା ସ୍ଥାନୀୟ ତହସିଲଦାର ଡ଼ଃ ଆର୍ଯ୍ୟ କୁମାର ସର୍ଭଦମନ ଓ ମନ୍ଦିର ପରିଚାଳକ ରମେଶ ଚନ୍ଦ୍ର ପ୍ରଧାନ ସମସ୍ତ ତଦାରଖ କରିଥିବାବେଳେ ସେବାୟତମାନେ ସମସ୍ତ ନୀତି କାନ୍ତି ବ୍ୟବସ୍ଥିତ ଢଙ୍ଗରେ କରିବାସହ ମହାବାହୁଙ୍କୁ ଦର୍ଶନ ପାଇଁ ସହଯୋଗ କରୁଥିବା ଜଣାପଡ଼ିଛି।
Popular Categories
Previous article
Next article