ନୂଆଦିଲ୍ଲୀ : ଗତ କିଛି ଦିନ ହେବ ପିଟ୍ ବୁଲ୍ କୁକୁର ଆକ୍ରମଣର ଅନେକ ଘଟଣା ସାମ୍ନାକୁ ଆସିଛି । ନିକଟରେ ପୁଣି ଏକ ଛାତିଥରା ଘଟଣା ସାମ୍ନାକୁ ଆସିଛି । ଏହି ଘଟଣାଟି ଛତିଶଗଡର ବୋଲି ଜଣାପଡିଛି । ଘଟଣା ବିଷୟରେ ଜାଣିବା ପରେ ଯେ କେହି ମଧ୍ୟ ସ୍ତବ୍ଧ ହେବା ସହ ଭୟଭୀତ ହୋଇଯିବେ ଓ ଚିତ୍କାର କରିବେ।
ଗତ ଶୁକ୍ରବାର (୧୨ ଜୁଲାଇ)ରେ ରାୟପୁରର ଏକ ଘରେ ପିଟବୁଲ୍ କୁକୁର ଜଣେ ଡେଲିଭରି ବଏଙ୍କ ଉପରେ ମରଣାନ୍ତକ ଆକ୍ରମଣ କରିଛି । ଘଟଣାର ସିସିଟିଭି ଫୁଟେଜ ମଧ୍ୟ ସାମ୍ନାକୁ ଆସିଛି । ଭିଡିଓରେ ଦେଖାଯାଇଛି ଜଣେ ବ୍ୟକ୍ତି (ଡେଲିଭରି ବଏ) କିଛି ଜିନିଷ ଦେବା ପାଇଁ ଗେଟ୍ ଭିତରକୁ ଯାଇଛନ୍ତି, ସେହି ସମୟରେ ୨ଟି ପିଟବୁଲ୍ ଉକ୍ତ ବ୍ୟକ୍ତିଙ୍କ ଉପରେ ଆକ୍ରମଣ କରିଛନ୍ତି । ପ୍ରଥମେ ଗୋଡକୁ କାମୁଡିବା ସହ ରକ୍ତାକ୍ତ କରି ଦେଇଛନ୍ତି । ବ୍ୟକ୍ତି ଜଣକ ନିଜ ହାତରେ କୁକୁରକୁ ଦୂରକୁ କରିବାକୁ ଚେଷ୍ଟା କରିବା ସମୟରେ କୁକୁର ତାଙ୍କ ହାତକୁ ହିଁ କାମୁଡି ଦେଉଛି।
ଯନ୍ତ୍ରଣାରେ ଛଟପଟ୍ ହୋଇ ବଞ୍ଚାଅ,ବଞ୍ଚାଅ କହି ବ୍ୟକ୍ତି ଜଣକ ସାହାଯ୍ୟ ମାଗିଥିଲେ । ଘଟଣାଟି ରାୟପୁରର ଅନୁପମ ନଗରର ବୋଲି କୁହାଯାଉଛି । ବ୍ୟକ୍ତି ଜଣକ ନିଜକୁ ରକ୍ଷା କରିବା ପାଇଁ କାର ଉପକୁ ଚଢି ଯାଉଛନ୍ତି । ତାଙ୍କ ହାତ,ଗୋଡ ରକ୍ତାକ୍ତ ହୋଇଯାଇଥିଲା । କୁକୁର ମାଲିକଙ୍କ ବିରୁଦ୍ଧରେ ମାମଲା ରୁଜୁ କରାଯାଇଛି।
ହୃଦଘାତରୁ ରକ୍ଷା ପାଇବାର ଉପାୟ; ନିୟମିତ କେତେ ଶିଢି ଚଢିଲେ ହେବନି ହୃଦଘାତ!
Comments are closed.