ନୂଆଦିଲ୍ଲୀ: ରାଫେଲ୍ ଫାଇଟର ଜେଟ୍ କ୍ରୟ ଚୁକ୍ତି ପ୍ରସଙ୍ଗରେ ରାହୁଲ୍ ଗାନ୍ଧି ପୁଣି ଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କଡ଼ା ସମାଲୋଚନା କରିଛନ୍ତି। ଦେଶର ଛାତ୍ର ଓ ଯୁବସମାଜକୁ ସମ୍ବୋଧିତ କରି ରାହୁଲ୍ ଏକ ଟ୍ୱିଟ୍ ଜରିଆରେ କହିଛନ୍ତି ଯେ ରାଫେଲ୍ ଚୁକ୍ତି ପ୍ରସଙ୍ଗରେ ପ୍ରତିଦିନ କିଛି ନା କିଛି ନୂଆ ରହସ୍ୟ ପ୍ରଘଟ ହେଉଛି। ଏହି ଚୁକ୍ତି ଜରିଆରେ ଆପଣମାନଙ୍କ ୩୦ ହଜାର କୋଟି ଟଙ୍କା ଲୁଟି ନେବାରେ ପ୍ରଧାନମନ୍ତ୍ରୀ ତାଙ୍କ ବନ୍ଧୁ ଅନିଲ ଅମ୍ବାନୀଙ୍କୁ ସହାୟତା କରିଛନ୍ତି। ଏଥିସହିତ ସିଏଜି ରିପୋର୍ଟକୁ ମୂଲ୍ୟହୀନ ବୋଲି ରାହୁଲ୍ କହିଛନ୍ତି।
ଏକ ସାମ୍ବାଦିକ ସମ୍ମିଳନୀରେ ସିଏଜି ରିପୋର୍ଟକୁ ‘ଚୌକିଦାର ଅଡିଟର ଜେନେରାଲ୍ ରିପୋର୍ଟ’ ଭାବରେ ଅଭିହିତ କରି ରାହୁଲ୍ କହିଛନ୍ତି ଯେ ସିଏଜି ରିପୋର୍ଟ ହେଉଛି ନରେନ୍ଦ୍ର ମୋଦୀଙ୍କ ରିପୋର୍ଟ। ଚୌକିଦାରଙ୍କ ପାଇଁ, ଚୌକିଦାରଙ୍କ ତରଫରୁ ଓ ଚୌକିଦାରଙ୍କ ଦ୍ୱାରା ଏହି ରିପୋର୍ଟ ଲେଖାଯାଇଛି। ନୂଆ ରାଫେଲ୍ ଡିଲ୍ ବିଷୟରେ ପୂର୍ବତନ ପ୍ରତିରକ୍ଷା ମନ୍ତ୍ରୀ ମନୋହର ପାରିକର ଓ ପୂର୍ବତନ ବୈଦେଶିକ ବ୍ୟାପାର ସଚିବ ଜାଣି ନଥିବା କହିଛନ୍ତି। ରାଫେଲ୍ ଡିଲ ପ୍ରସଙ୍ଗରେ ହସ୍ତକ୍ଷେପ କରିବାକୁ ସୁପ୍ରିମକୋର୍ଟ ମନା କରିଦେଇଥିବାରୁ ନ୍ୟାୟାଳୟର ରାୟକୁ ନେଇ ଏବେ ପ୍ରଶ୍ନବାଚୀ ସୃଷ୍ଟି କରିଛି। ରାଫେଲ୍ ଡିଲ୍ରେ ଦେଶର ସୁରକ୍ଷା ସମ୍ପର୍କୀୟ ଗୋପନୀୟତାକୁ ପ୍ରଧାନମନ୍ତ୍ରୀ ଅନ୍ୟ ଦେଶକୁ ଜଣାଇ ଦେଇଛନ୍ତି। ସେହି ଦେଶ ପାଇଁ ପ୍ରଧାନମନ୍ତ୍ରୀ ଜଣେ ଏଜେଣ୍ଟ ଭାବେ କାମ କରୁଛନ୍ତି।
ଆନ୍ଧ୍ରପ୍ରଦେଶକୁ ସ୍ୱତନ୍ତ୍ର ରାଜ୍ୟ ପାହ୍ୟ ଦାବିରେ ନୂଆଦିଲ୍ଲୀର ଆନ୍ଧ୍ରଭବନରେ ଆମରଣ ଅନଶନରେ ବସିଥିବା ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଏନ ଚନ୍ଦ୍ରବାବୁ ନାଇଡ଼ୁଙ୍କୁ ଗତ ସୋମବାର ରାହୁଲ୍ ଗାନ୍ଧି ସାକ୍ଷାତ କରିଥିଲେ। ଏହି ଅବସରରେ ସେଠାକାର ଜନସମାବେଶରେ ରାହୁଲ୍ କହିଥିଲେ ଯେ ଚୁକ୍ତିରୁ ଦୁର୍ନୀତି ବିରୋଧୀ ସର୍ତ୍ତକୁ ହଟାଇ ଦିଆଯାଇଥିବା ‘ଦି ହିନ୍ଦୁ’ରେ ପ୍ରକାଶ ପାଇଛି। ଏଥିରୁ ହିଁ ଜଣାପଡ଼ୁଛି ଚୌକିଦାର ହିଁ ଚୋର।
ଅନିଲ ଅମ୍ବାନିଙ୍କ ଏଜେଣ୍ଟ ଭଳି କାମ କରୁଛନ୍ତି ପ୍ରଧାନମନ୍ତ୍ରୀ: ରାହୁଲ୍
Popular Categories
Previous article
Next article