ଗୁରୁଡିଝାଟିଆ : ଆଠଗଡ ବ୍ଲକ ଅନ୍ତର୍ଗତ ରାଧାକୃଷ୍ଣପୁର ପଞ୍ଚାୟତରେ ବିଜେଡି ପକ୍ଷରୁ ଶୁକ୍ରବାର ଜନସଂପର୍କ ପଦଯାତ୍ରା ଅନୁଷ୍ଠିତ ହୋଇଯାଇଛି । ସରକାରଙ୍କ ଲୋକାଭିମୁଖି ଯୋଜନାକୁ ଘରେ ଘରେ ପହଞ୍ଚାଇ ସେମାନଙ୍କ ସମାସ୍ୟାକୁ ସମାଧାନ କରିବା ଓ ପ୍ରତ୍ୟେକ ଜନସାଧାରଣ ଆମ ଦଳର ସଦସ୍ୟ ବୋଲି ଭାବି କାର୍ଯ୍ୟ କରିବା ଲକ୍ଷ୍ୟ ନେଇ ସ୍ଥାନୀୟ ବିଧାୟକ ତଥା କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁଙ୍କ ମାର୍ଗଦର୍ଶନରେ ଏହି ପଦଯାତ୍ରା ଖଣ୍ଡୁଆଳି ଗ୍ରାମରୁ ଆରମ୍ଭ ହୋଇ ମୁଶୁଳିଆ ଗ୍ରାମରେ ଶେଷ ହୋଇଥିଲା । ମନ୍ତ୍ରୀ ଶ୍ରୀ ସ୍ୱାଇଁଙ୍କ ପ୍ରତିନିଧି ରଞ୍ଜନ କୁମାର ଆଚାର୍ଯ୍ୟ ପଦଯାତ୍ରାକୁ ଉଦଘାଟନ କରି ପ୍ରତ୍ୟେକ ପରିବାର ଆମ ଦଳର ପରିବାର। ସେମାନଙ୍କ ସୁଖଦୁଃଖ ବୁଝିବା ଆମର କର୍ତ୍ତବ୍ୟ ବୋଲି କହିଥିଲେ। ଆଠଗଡ ବିଜୁ ଯୁବଜନତାଦଳର ସଭାପତି ବିନୋଦ ମାଝି, ସ୍ଥାନୀୟ ସରପଞ୍ଚ କାହ୍ନୁଚରଣ ମହାନ୍ତି, କଣ୍ଡେରେଇ ସରପଞ୍ଚ ଜ୍ଞାନ ରଞ୍ଜନ ଦାସ, ଡାଳଭାଗ ସରପଞ୍ଚ ଅଜିତ୍ ଦାସ, ଜିଲ୍ଲାପରିଷଦ ସଦସ୍ୟା ମିନତୀ ଗାଗରାଇ, ପଞ୍ଚାୟତ ସଭାପତି ହରିହର ପ୍ରଧାନ, ମନୋରଞ୍ଜନ ରାଉତ, ଦୁଲାରା ଦାସ, ପ୍ରଣତି ନାୟକ, ନିଶା ରାଉତ ଓ ଦଳୀୟ କର୍ମୀମାନେ ଏହି କାର୍ଯ୍ୟକ୍ରମରେ ଯୋଗଦେଇଥିଲେ।
Comments are closed.