ଆଠଗଡ : ଆଠଗଡ ବ୍ଲକ ଅନ୍ତର୍ଗତ କୁଲାଇଲୋ ପଞ୍ଚାୟତ ଅଧିନ ଉଦୟପୁର ଗ୍ରାମର ରମେଶ ବେଉରାଙ୍କ ପୁଅ ରାଜୁ ବେଉରା(୨୧) ଜଳାନ୍ତକ ରୋଗରେ ଆକ୍ରାନ୍ତ ହୋଇଥିବା ଜଣାପଡିଛି । ରାଜୁଙ୍କୁ ଏକ ବୁଲା କୁକୁର ଗତ ପ୍ରାୟ ୬ମାସ ପୂର୍ବରୁ କାମୁଡିଥିବା ଏବଂ କୁକୁର କାମୁଡା ପରେ ସେ ଚିକିତ୍ସା କରାଇନଥିବା ଓ ଇଞ୍ଜେକସନ ନେଇନଥିବାରୁ ତାଙ୍କୁ ଏହି ରୋଗ ହୋଇଥିବା ଜଣାପଡିଛି । ତାଙ୍କର ଅଜବ ବ୍ୟବହାର ବିଶେଷକରି କୁକୁର ଭଳି ଭୁକିବା ସହିତ ଆଚରଣ କରିବା ଏବଂ କେତେବେଳେ କାନ୍ଦୁଛନ୍ତି ତ କେତେବେଳେ ହସୁଛନ୍ତି । ଏହା ଦେଖି ଚିନ୍ତାରେ ଥିବା ପରିବାର ଲୋକ ତାଙ୍କୁ ଆଠଗଡ ଡାକ୍ତରଖାନାରେ ଗତ ମଙ୍ଗଳବାର ଭର୍ତ୍ତି କରିଥିଲେ । ତେବେ ତାଙ୍କର ରୋଗ ସଂପର୍କରେ ଜାଣିବା ପାଇଁ ଅଧିକ ପରୀକ୍ଷା କରିବା ସହିତ ନିଦାନ ଓ ଚିକିତ୍ସା ପାଇଁ ତାଙ୍କୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତରିତ କରିବାକୁ ଡାକ୍ତର ପରାମର୍ଶ ଦେଇଥିଲେ । କୁକୁର କାମୁଡିବା ଘଟଣାକୁ ହାଲକା ଭାବେ ନେଇ ସେହି ସମୟରେ ଆବଶ୍ୟକୀୟ ଚିକିତ୍ସା ଓ ଇଞ୍ଜେକସନ ନ ନେବାରୁ ଏପରି ସମସ୍ୟା ତାଙ୍କ ପାଖରେ ଦେଖିବାକୁ ମିଳୁଛି ବୋଲି ଡାକ୍ତର ମତପ୍ରକାଶ କରିଛନ୍ତି ।
Popular Categories
Previous article
Next article