ବୈଦେଶିକ ମନ୍ତ୍ରୀ ଏସ୍. ଜୟଶଙ୍କର କହିଛନ୍ତି, ଚାରୋଟି ଯାକ କ୍ୱାଡ୍ ସଦସ୍ୟ ରାଷ୍ଟ୍ର ଏକ ମୁକ୍ତ, ଅବାଧ ଓ ସାମୁହିକ ଭାରତ-ପ୍ରଶାନ୍ତ ମହାସାଗରୀୟ ଅଞ୍ଚଳ ସ୍ଥାପନ ପ୍ରତି ଏକମତ ହୋଇଛନ୍ତି। ଟୋକିଓରେ ଅନୁଷ୍ଠିତ ଦ୍ୱିତୀୟ କ୍ୱାଡ୍ ମନ୍ତ୍ରୀ ସ୍ତରୀୟ ବୈଠକରେ ତାଙ୍କର ଉଦ୍ଘାଟନୀ ବକ୍ତବ୍ୟ ଦେଇ ସେ କହିଛନ୍ତି, ଏକ ନୀତିଭିତ୍ତିକ ବିଶ୍ୱଗଠନ, ସ୍ୱଚ୍ଛତା, ଆନ୍ତର୍ଜାତିକ ଜଳରାଶିରେ ସ୍ୱାଧୀନ ନୌ-ଚଳାଚଳ, ଆଞ୍ଚଳିକ ଅଖଣ୍ଡତା ଓ ସାର୍ବଭୌମତ୍ୱ ପ୍ରତି ସମ୍ମାନ ପ୍ରଦର୍ଶନ ଓ ଆଞ୍ଚଳିକ ବିବାଦଗୁଡ଼ିକର ଶାନ୍ତିପୂର୍ଣ୍ଣ ସମାଧାନ ପାଇଁ ସଦସ୍ୟ ରାଷ୍ଟ୍ରମାନେ ପ୍ରତିଶ୍ରୁତିବଦ୍ଧ ହୋଇଛନ୍ତି।
Delighted to join my QUAD colleagues at our Ministerial consultations in Tokyo. Thank FM @moteging for his gracious hospitality.https://t.co/hFSZRPu7Rf pic.twitter.com/1gfxiHdHXs
— Dr. S. Jaishankar (@DrSJaishankar) October 6, 2020
ସେ କହିଛନ୍ତି, କ୍ୱାଡ୍ ସଦସ୍ୟ ଦେଶମାନଙ୍କର ମୁଖ୍ୟ ଲକ୍ଷ୍ୟ ହେଉଛି ନିରାପତ୍ତା ଓ ଅର୍ଥନୈତିକ ସ୍ୱାର୍ଥର ସୁରକ୍ଷା। କ୍ୱାଡ୍ ସଦସ୍ୟ ରାଷ୍ଟ୍ରଗୁଡ଼ିକ ମଧ୍ୟରେ ଭାରତ, ଆମେରିକା, ଜାପାନ୍ ଓ ଅଷ୍ଟ୍ରେଲିଆ ଅଛନ୍ତି। ଭାରତ ପ୍ରଶାନ୍ତ ମହାସାଗରୀୟ ଆଭିମୁଖ୍ୟ ପ୍ରତି ବ୍ୟାପକ ସମର୍ଥନ ମିଳିଥିବାରୁ ସେ ସନ୍ତୋଷ ପ୍ରକାଶ କରିଛନ୍ତି। ଜୟଶଙ୍କର କହିଛନ୍ତି, ଚାରୋଟି ଯାକ ସଦସ୍ୟ ଦେଶର ବୈଦେଶିକ ମନ୍ତ୍ରୀମାନଙ୍କ ମଧ୍ୟରେ ବ୍ୟକ୍ତିଗତ ସ୍ତରୀୟ କଥାବାର୍ତ୍ତା ସଫଳ ରହିଛି ବୋଲି ପ୍ରମାଣିତ କରିଛି। ସେ କହିଛନ୍ତି, କୋଭିଡ-୧୯ ଯୋଗୁଁ ସମଗ୍ର ବିଶ୍ୱରେ ଅନେକ ପରିବର୍ତ୍ତନ ଘଟିଛି। କୋଭିଡ-୧୯ ଯୋଗୁଁ ସୃଷ୍ଟି ହୋଇଥିବା ଆହ୍ୱାନଗୁଡ଼ିକର ମୁକାବିଲାରେ ପରସ୍ପର ସହ ସମନ୍ୱୟରେ କାର୍ଯ୍ୟ କରିବାର ଆବଶ୍ୟକତା ବିଷୟ ପ୍ରତିପାଦିତ ହୋଇଛି। ସେ କହିଛନ୍ତି, ବହୁ
ରାଷ୍ଟ୍ରୀୟ ଅନୁଷ୍ଠାନଗୁଡ଼ିକରେ ସଂସ୍କାର ଓ ଏହି ବିଶ୍ୱବ୍ୟାପି ସଂକ୍ରମଣରୁ ସମଗ୍ର ବିଶ୍ୱକୁ ମୁକ୍ତ କରିବା ପାଇଁ ସାମୁହିକ ଉଦ୍ୟମ ଅତ୍ୟନ୍ତ ଅପରିହାର୍ଯ୍ୟ ବୋଲି ଭାରତ ମତପ୍ରକାଶ କରିଛି।
Committed to upholding the rules-based international order, underpinned by the rule of law, transparency, freedom of navigation, respect for territorial integrity & sovereignty and peaceful resolution of disputes.
— Dr. S. Jaishankar (@DrSJaishankar) October 6, 2020
କ୍ୱାଡ୍ ବୈଦେଶିକ ମନ୍ତ୍ରୀମାନେ ଯୋଗାଯୋଗ ଓ ମୌଳିକ ଢାଞ୍ଚା ବିକାଶ, ନିରାପତା, ଆତଙ୍କବାଦର ମୁକାବିଲା, ସାଇବର ଓ ସାମୁଦ୍ରିକ ସୁରକ୍ଷା ଏବଂ ଅଞ୍ଚଳର ସ୍ଥିରତା ଓ ସମୃଦ୍ଧି ଭଳି ଗୁରୁତ୍ୱପୂର୍ଣ୍ଣ ପ୍ରସଙ୍ଗଗୁଡ଼ିକ ଉପରେ ଆଲୋଚନା କରୁଛନ୍ତି। ଜୟଶଙ୍କର ଟୋକିଓକୁ ଦୁଇଦିନ ଗସ୍ତରେ ଯାଇଛନ୍ତି।
Comments are closed.