ପୁରୀ: ଶ୍ରୀମନ୍ଦିର ଐତିହ୍ୟ କରିଡର ଲୋକାର୍ପଣ ଉତ୍ସବରେ ଘଟିଛି ଅଘଟଣ । ବୁଧବାର ସିଂହଦ୍ୱାର ସମ୍ମୁଖରୁ ଜଣେ ମହିଳା ଶ୍ରଦ୍ଧାଳୁଙ୍କ ମୃତଦେହ ପୁଲିସ ଜବତ କରିଛି । ମୃତ ମହିଳାଙ୍କ ପରିଚୟ ମିଳିନାହିଁ । ପରିକ୍ରମା ପ୍ରକଳ୍ପ ଉତ୍ସବ ଦିନ ମହାପ୍ରଭୁଙ୍କ ଦର୍ଶନ ସାରି ଫେରିଲା ବେଳେ ସିଂହଦ୍ୱାର ନିକଟରେ ମହିଳା ଜଣଙ୍କ ଅସୁସ୍ଥ ଅନୁଭବ କରିଥିଲେ । ପରେ ଅଚେତ ହୋଇପଡି ରହିଥିବା ବ୍ରହ୍ମପୁର ବୋରିଗାଁ ଅଂଚଳର ଜଣେ ଶ୍ରଦ୍ଧାଳୁ ଶ୍ରୀକାନ୍ତୁ ସାହୁ ତାଙ୍କୁ ପୁରୀ ମେଡିକାଲରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମେଡିକାଲ ଫାଣ୍ଡି ପୁଲିସ ଘଟଣା ସମ୍ପର୍କରେ ସିଂହଦ୍ୱାର ଥାନାକୁ ଅବଗତ କରିବା ପରେ ପୁଲିସ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ପୁଲିସ ଘଟଣାର ତଦନ୍ତ ଆରମ୍ଭ କରିଛି ।
ଏଥିସହିତ ଭିଡ଼ ମଧ୍ୟରେ ଠେଲାପେଲାରେ ଜଣେ ଶ୍ରଦ୍ଧାଳୁ ଆହତ ହୋଇଛନ୍ତି । ତାଙ୍କୁ ଆମ୍ବୁଲାନ୍ସ ଯୋଗେ ସଦର ହସ୍ପିଟାଲରେ ଭର୍ତ୍ତି କରାଯାଇଛି । ଆହତ ମହିଳା ଜଣକ ଛତିଶଗଡର ସୁକଲତା ବାରିକ ।
Comments are closed.