ପୁରୀ: ଶ୍ରୀଗୁଣ୍ଡିଚା ମନ୍ଦିର ଆଡପ ମଣ୍ଡପରେ ଗୁରୁବାର ରାତିରେ ବିଜେ କରିଛନ୍ତି ଚତୁର୍ଦ୍ଧାବିଗ୍ରହ। ଆଜି ଆଡପ ମଣ୍ଡପରେ ଶ୍ରୀଜୀଉଙ୍କୁ ଅନ୍ନବ୍ୟଞ୍ଜନ ଅର୍ପଣ କରାଯିବ। ଏହା ଆଡପ ଅବଢା ଭାବେ ପରିଚିତ। ଏହାଛଡା ଶ୍ରୀମନ୍ଦିର ପରି ସକାଳୁ ରାତି ପର୍ଯ୍ୟନ୍ତ ସେଠାରେ ଦାରୁବ୍ରହ୍ମଙ୍କ ସମସ୍ତ ନୀତିକାନ୍ତି କରାଯିବ। ୨୮ ତାରିଖ (ବୁଧବାର) ମହାପ୍ରଭୁ ରଥ ଉପରେ ବସି ଶ୍ରୀମନ୍ଦିର ଅଭିମୁଖେ ବାହୁଡା ବିଜେ କରିବେ। ଆଡପ ମଣ୍ଡପରେ ଚତୁର୍ଦ୍ଧାବିଗ୍ରହ ବିଜେ କରିଥିବାରୁ ଉତ୍ସବ ମୁଖର ହୋଇ ଉଠିଛି ଶରଧାବାଲି। ପ୍ରଭୁଙ୍କ ଆଡପ ଦର୍ଶନ ପାଇଁ ଲକ୍ଷାଧିକ ଭକ୍ତଙ୍କ ସମାଗମ ହୋଇଛି। ଶୁକ୍ରବାର ସକାଳୁ ଆଡପ ମଣ୍ଡପରେ ଦର୍ଶନ ଆରମ୍ଭ ହେବ।
Comments are closed.