ସୁଆଣ୍ଡୋ ; ପୁରୀଜିଲାର କାକଟପୁର, ନିମାପଡା, ଅସ୍ତରଙ୍ଗ, କୋଣାର୍କ, ଗୋପ, ପିପିଲି, ସତ୍ୟବାଦୀ, କଣାସ, ଡେଲାଙ୍ଗ, ବ୍ରହ୍ମଗିରି, କୃଷ୍ଣପ୍ରସାଦ, ପୁରୀ ସଦର ସହିତ ସହରର ବିଭିନ୍ନ ସ୍ଥାନରେ ଜିଲାପାଳ ବଲୱନ୍ତ ସିଂହ ଆରକ୍ଷୀ ଅଧିକ୍ଷକ ଡା.ଉମାଶଙ୍କର ଦାଶ ପ୍ରମୁଖ ପହଞ୍ଚି କରୋନା ପ୍ରସ୍ତୁତି ସମ୍ପର୍କରେ ତଦାରଖ କରୁଛନ୍ତି। ଜିଲାରେ ଜଣେ କରୋନା ଆକ୍ରାନ୍ତ ହୋଇଛନ୍ତି। ଜିଲାରେ ୧୭୪ ଜଣଙ୍କ ନମୁନା ପରୀକ୍ଷା ପାଇଁ ପଠା ଯାଇଥିବା ବେଳେ ୧୦୫ ଜଣଙ୍କ କରୋନା ନେଗେଟିଭ ଆସିଛି। ଜିଲ୍ଲାର ୧୧ଟି ବ୍ଲକରେ ୨୭୧ଟି ଅସ୍ଥାୟୀ ଚିକିତ୍ସା କେନ୍ଦ୍ର ଖୋଲାଯାଇଛି। ସେହିପରି ଜିଲାରେ ଗୋଟିଏ କୋଭିଡ ହସ୍ପିଟାଲ ଖୋଲାଯାଇଛି। ପିପିଲିରେ ସଂକ୍ରମିତ ହୋଇଥିବା ବ୍ୟକ୍ତିଙ୍କ ସଂସ୍ପର୍ଶରେ ଆସିଥିବା ୭୫ ଜଣଙ୍କୁ ଚିହ୍ନଟ କରାଯାଇଛି। ଜିଲାକୁ ସବୁ ଆଡୁ ସିଲ୍ କରାଯାଇଛି। ଜିଲାପାଳ ଓ ଜିଲା ମୁଖ୍ୟ ଚିକିତ୍ସାଧିକାରୀଙ୍କ କାର୍ଯ୍ୟାଳୟରେ କରୋନା ନିୟନ୍ତ୍ରଣ କକ୍ଷ ଖୋଲାଯାଇଛି। ସାମାଜିକ ଦୂରତା ମାକ୍ସ ବ୍ୟବହାର କରିବା ସହିତ ସରକାରଙ୍କ ନିୟମ ମାନିବାକୁ ପରାମର୍ଶ ଦେଇଛନ୍ତି। ଉପଜିଲ୍ଲାପାଳ ଭବତାରଣ ସାହୁ, ଜିଲା ମୁଖ୍ୟ ଚିକିତ୍ସାଧିକାରୀ ଡା.ନୀଳକଣ୍ଠ ମିଶ୍ର, ତହସିଲଦାର ବିଡିଓ ପ୍ରମୁଖ ଏହି ଗସ୍ତରେ ସାମିଲ ରହିଛନ୍ତି।
Comments are closed.