ନୂଆଦିଲ୍ଲୀ : ପଞ୍ଜାବର ଆମ୍ ଆଦମି ପାର୍ଟି (ଆପ୍) ବିଧାୟକ ବଳଦେବ ସିଂହ ନିଜ ପଦ ସହିତ ଦଳରୁ ଇସ୍ତଫା ଦେଇଛନ୍ତି। ଜାଇଟୋ ନିର୍ବାଚନ ମଣ୍ଡଳୀରୁ ନିର୍ବାଚିତ ବଳଦେବ ଏଥିସହିତ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ଅହଙ୍କାରୀ ଓ ଏକଚ୍ଛତ୍ରବାଦୀ ବୋଲି ଆକ୍ଷେପ କରିଛନ୍ତି। ଦଳ ତଥା ସରକାର ମୂଳ ନୀତି-ଆଦର୍ଶରୁ ବିଚ୍ୟୁତ ହୋଇଥିବା ମଧ୍ୟ ସେ ଅଭିଯୋଗ କରିଛନ୍ତି। ଏହି କାରଣରୁ ପ୍ରଶାନ୍ତ ଭୂଷଣ, ଯୋଗେନ୍ଦ୍ର ଯାଦବ, ମେଧା ପାଟେକର, କିରଣ ବେଦୀ, ଆଶୁତୋଷ, ଆଶିଷ ଖେତାନ, ଏଚ୍.ଏସ୍ ଫୁଲ୍କା, ଏଚ୍.ଏସ୍ ଖାଲସା, ସଚ୍ଚା ସିଂହ ଛୋଟେପୁର, ଗୁରୁପ୍ରୀତ ଘୁଗି ପ୍ରମୁଖ ଦଳ ଛାଡ଼ିଥିବା ସେ କେଜ୍ରିୱାଲଙ୍କୁ ପ୍ରଦାନ କରିଥିବା ପତ୍ରରେ ଲେଖିଛନ୍ତି। ବଳଦେବ ହେଉଛନ୍ତି ପଞ୍ଜାବ ବିଧାନସଭା ସଦସ୍ୟ ସୁଖପାଲ ସିଂହ ଖଇରାଙ୍କ ଘନିଷ୍ଠ। ସୁଖପାଲ ଗତ ମାସେର ଦଳରୁ ଇସ୍ତଫା ଦେଇଥିଲେ।
Popular Categories
Previous article
Next article