ହିନ୍ଦୁ ଧର୍ମରେ ଦେବୀ-ଦେବତା ପୂଜାର ବିଶେଷ ମହତ୍ତ୍ୱ ବର୍ଣ୍ଣନା କରାଯାଇଛି। କୁହାଯାଏ ଭକ୍ତି ଭାବରେ ପୂଜା କଲେ ଭଗବାନ ପୂଜା ସ୍ୱୀକାର କରି ଥାଆନ୍ତି, ଆଶୀର୍ବାଦ ପ୍ରାପ୍ତି ହୋଇଥାଏ। ଭଗବାନ ପ୍ରସନ୍ନ ରହି ଥାଆନ୍ତି। ଏହି ଘରେ ସର୍ବଦା ଭଗବାନ ବାସ କରିବା ସହ ଘରେ ସୁଖସମୃଦ୍ଧି ପ୍ରବେଶ କରିଥାଏ।
ଧାର୍ମିକ ମାନ୍ୟତା ଅନୁସାରେ ପୂଜା କରିବା ସମୟରେ ମିଳୁଥିବା ସଙ୍କେତ ଭବିଷ୍ୟତରେ ଘଟିବାକୁ ଥିବା ଶୁଭ ଘଟଣାର ସଙ୍କେତ ଦେଇଥାଏ।
ଜ୍ୟୋତିଷ ଶାସ୍ତ୍ର ଅନୁଯାୟୀ, ପୂଜା କରିବା ସମୟରେ ଦୀପରେ ସଳିତା କିଛି ସଙ୍କେତ ଦେଇଥାଏ। ସଳିତାରେ ନିଆଁ ଉଚ୍ଚକୁ ଉଠିବା ଅର୍ଥ ଭଗବାନ ଆପଣଙ୍କ ପୂଜା ସ୍ୱୀକାର କରିଛନ୍ତି। ଭଗବାନ ପ୍ରସନ୍ନ ହୋଇଥାଆନ୍ତି। ଶୀଘ୍ର ମନସ୍କାମନା ପୂରଣ ହୋଇଥାଏ।
ପୂଜା କରିବା ସମୟରେ ଭଗବାନଙ୍କ ଫଟୋ କିମ୍ବା ମୂର୍ତ୍ତିରୁ ଫୁଲ ଖସିବା ଶୁଭ ସଙ୍କେତ ବୋଲି କୁହାଯାଏ। ଏହାର ଅର୍ଥ ଭଗବାନଙ୍କ କୃପା ଆପଣଙ୍କ ଉପରେ ରହିଛି। ପୂଜାରେ ଭଗବାନ ପ୍ରସନ୍ନ ରହିଛନ୍ତି। ଶୀଘ୍ର ମନସ୍କାମନା ପୂରଣ ହେବ।
ପୂଜା କରିବା ସମୟରେ ଘରକୁ ପିତା, ଗୁରୁ, ବ୍ରାହ୍ମଣ, ବୟସ୍କ ବ୍ୟକ୍ତି ଆସିବା ଶୁଭ ସଙ୍କେତ। ଏହାର ଅର୍ଥ ଆପଣଙ୍କ ଭାଗ୍ୟରେ ଶୁଭ ପରିବର୍ତ୍ତନ ଘଟିବ। ଶୀଘ୍ର ଜୀବନରେ ଥିବା ସମସ୍ୟା ଦୂର ହେବ।
ଧାର୍ମିକ ମାନ୍ୟତା ଅନୁଯାୟୀ, ପୂଜା କରିବା ସମୟରେ ଆଖିରୁ ଲୁହ ବୋହିବା ଅର୍ଥ ଦେବାଦେବୀ ଆପଣଙ୍କ ପୂଜା ସ୍ୱୀକାର କରିଛନ୍ତି। ଶୀଘ୍ର ମନସ୍କାମନା ପୂରଣ ହୋଇଥାଏ।
